Midjora bu manera di prega — Pâpia ku tudu algen na bu tiritóriu

PAMODI KI É INPORTANTI: Zakarias dja flaba ma na tudu língua i na tudu nasons ta tinha pesoas ki ta setaba notísias sábi. (Za 8:23) Má kenha ki ta ben inxinaba es? (Ro 10:13-15) Nu ten es priviléjiu i responsabilidadi di pâpia di notísias sábi ku tudu algen na nos tiritóriu. — od p. 84 pars. 10-11.

MODI KI TA FAZEDU:

• Pripara dretu. I si bu atxa un algen ki ta pâpia otu língua? Bu pode uza aplikativu JW Language pa bu prende un aprizentason sinplis. Tanbê, bu pode uza bu telemóvel pa mostra-l modi ki el pode atxa más informason na se língua na nos site jw.org

• Presta atenson. Si bu sta ta prega di kaza en kaza, ka bu perde ninhun oportunidadi di da tistimunhu pa kes algen ki sta pasa pértu bo ô kes algen ki sta déntu algun karu ta spéra. Si bu sta na tistimunhu pa públiku, konsentra na kel ki bu sta faze

• Faze txeu sforsu. Kontinua ta djobe kes algen ki bu ka atxa na kaza. Sforsa pa pâpia ku tudu algen na bu tiritóriu. Bu pode bai na dias diferenti i na óras diferenti. Talvês bu pode skrebe kartas, da tistimunhu na rua ô pa tilifóni, pa bu konsigi pâpia ku kes algen ki bu ka atxa na kaza

• Kontinua ta vizita-s. Bai vizita kalker algen ki mostra interesi. Si un algen ta pâpia otu língua, djobe un algen ki pode djuda-l na se língua. Bu debe kontinua ta vizita-l ti ki parse algen ki ta pâpia se língua. — od p. 94 pars. 39-40

ODJA VÍDIU PREGAR “ATÉ A PARTE MAIS DISTANTE DA TERRA” I DIPÔS RESPONDE KES PERGUNTA LI:

• 

  Modi ki irmons pripara pa bai prega na un tiritóriu lonji? (1Co 9:22, 23)

• 

  Ki prublémas es pasa pa el?

• 

  Ki bensons es resebe?

• Ki sforsu bu pode faze pa bu pâpia ku más algen na bu tiritóriu?