Jeová ta ama pesoas linpu

Pa inxina ses fidju ma linpéza é txeu inportanti, mai ku pai ta kustuma ta fla-s: “Laba mô. Ruma kuartu. Linpa kaza. Bota lixu.” Má na verdadi, kel ki mai ku pai ta inxina ses fidju sobri linpéza ta ben di Jeová. (Êx 30:18-20; De 23:14; 2Co 7:1) Pur isu, nu ta da ónra pa Jeová óras ki nos korpu i kuzas ki nu ten ta sta linpu. (1Pe 1:14-16) I sobri nos kaza i otus lugar ki nu ta sta? Anos é sérvus di Jeová, pur isu nos é diferenti di kes algen ki ta bota lixu na rua ô na otus lugar ki ka debe botadu lixu. Nu ta faze nos midjór pa nu mante Téra linpu pamodi el é nos kaza. (Sal 115:16; Ap 11:18) Mésmu na kuzas pikinoti nu ta mostra ma si nos é linpu ô nau. Pur izénplu, na undi ki bu ta bota kaska di drópis, garafa di sumu ô xuinga? Nu krê ‘prova ma nos é ministrus di Deus’ na tudu ária di nos vida. — 2Co 6:3, 4.

ODJA VÍDIU DEUS TA AMA PESOAS LINPU. DIPÔS RESPONDE KES PERGUNTA LI:

• Ki diskulpa alguns algen pode da pa es ka linpa kuzas ki es ten?

• Modi ki Lei di Muizes ta mostra kuzê ki Jeová ta pensa di linpéza?

• Modi ki nu pode lova Jeová sen fla nada?