Téra ‘inguli kel riu’

Txeu bês na stória, autoridadis di govérnu dja djuda povu di Jeová. (Esd 6:1-12; Est 8:10-13) Ti mésmu na nos ténpu, dja nu odja ‘téra’, ki é kes autoridadi di govérnu ki é más ikilibradu, ta inguli ‘kel riu’ di pirsigison ki ‘dragon’, ki é Satanás ta faze. (Ap 12:16) Jeová, ki é un ‘Deus ki ta salva’, alvês pode uza kes algen ki ta governa pa djuda se povu. — Sal 68:20; Pr 21:1.

Má, i si bu podu prézu pamodi bu fé? Nunka ka bu atxa ma Jeová ka sta ta kuida di bo. (Gén 39:21-23; Sal 105:17-20) Bu pode ten sertéza ma bu fé ta ser rekonpensadu i bu lialdadi ta nkoraja bus irmon na mundu interu. — Fil 1:12-14; Ap 2:10.

ODJA VÍDIU IRMONS NA KOREIA TRADU DI KADIA. DIPÔS RESPONDE KES PERGUNTA LI:

• Pamodi ki pa txeu anu, milharis di nos irmons podu prézu na Koreia di Sul?

• Ki disizons di govérnu poi alguns di nos irmons ta tradu di kadia más sédu?

• Modi ki nu pode djuda nos irmons na mundu interu ki sta prézu pamodi ses fé?

• Modi ki nu debe uza kalker liberdadi ki nu tene gósi?

• Kenha ki é responsável pa kes vitória ki nu ta ten na tribunal?