VIVE SIMA UN KRISTON

Ser umildi óras ki otus algen ta ilojia-u

Alvês otus algen pode da-nu ilojiu. Kel-li pode anima-nu si kel ilojiu é di korason i ku bon motivason. (Pr 15:23; 31:10, 28) Má nu ten ki toma kuidadu pa nu ka kumesa ta xinti orgulhu ô ta atxa ma nos é midjór di ki otus algen.

ODJA VÍDIU SER LIAL SIMA JIZUS — KANTU EL NGABADU. DIPÔS RESPONDE KES PERGUNTA LI:

Nu pode dadu ilojiu pamodi algun kuza ki nu faze. Da alguns izénplu.
Ki ilojius Sergei dadu?
Pamodi ki nu pode fla ma kes ilojiu ki irmons da-l bai dimás?
Kuzê ki bu ta prende di manera umildi ki Sergei reaji?

Séna di vídiu ‘Ser lial sima Jizus — kantu el ngabadu,’ sta ta mostra Sergei na un konvíviu na kaza di un irmon. Irmons ku bon intenson sta ta ngaba-l i Sergei sta ta responde-s ku umildadi.