Bu pode djuda ku bu ténpu i ku bu forsa?

Sima proféta Izaías dja flaba, kel párti di organizason di Jeová na Téra sta ta bira kada bês más grandi di un manera ki nunka ka kontiseba antis. (Is 54:2) Kel-li krê fla ma nu meste faze más Salons di Reinu, Salons di asenbleia i Betel. Dipôs ki es fazedu, kes prédiu ta meste pa kuidadu di es i alguns ta meste konpodu txeu kuza. Nton modi ki nu pode uza nos ténpu i nos forsa pa djuda?

• Nu pode partisipa na linpéza di Salon di Reinu óras ki nos grupu pa pregason ten linpéza.

• Nu pode oferese di livri vontadi pa resebe trenu pa djuda kuida di nos Salon di Reinu.

• Nu pode prenxe Petição para Voluntário do Departamento Local de Projeto/Construção (DC-50) pa djuda di vês en kuandu na algun prujétu di konstruson ô konpo prédius di organizason ki ta fika pértu di undi ki nu ta mora.

• Nu pode prenxe Petição para o Serviço de Voluntário (A-19) i oferese pa djuda duránti un simana ô más na Betel ki ta kuida di nos tiritóriu ô na otus prédiu ki Betel ta uza.

ODJA VÍDIU UN PRUJÉTU NOVU DI KONSTRUSON — SÔ UN PÁRTI. DIPÔS RESPONDE KES PERGUNTA LI:

• Nu kumesa ta uza vídius mutu más txeu désdi 2014. Splika modi ki kel-la kontise.

• Pa konsigi faze más vídiu, ki prujétu dja kumesa fazedu? Ki ténpu ki kel konstruson ta kumesa i ki ténpu ki el ta tirmina?

• Modi ki kes ki ta sirbi di livri vontadi pode ben djuda na kel prujétu?

• Si nu krê djuda na un konstruson grandi, pamodi ki é inportanti nu prenxe un pitison (DC-50) i djuda na kes prujétu di Dipartamentu di Dizenhu i Konstruson pértu di undi ki nu ta mora?

• Pamodi ki nu pode ten sertéza ma é Jeová ki sta ta orienta kel prujétu li?

• Modi ki nu pode djuda na kel prujétu li mésmu ki nu ka ta pode partisipa na konstruson?