TIZORUS DI PALAVRA DI DEUS | LEVÍTICO 4-5
Da Jeová bu midjór
Na Israel, ser póbri ka ta inpidiba ningen di faze pas ku Jeová. Ti kes israelita más póbri pode daba Jeová un oférta ki el ta setaba, désdi ki éra ses midjór. Es pode ofereseba farinha, má Jeová ta speraba ma el ta sérba farinha ‘finu’. Éra kel tipu di farinha li ki es ta uzaba pa faze kuzas pa ses konvidadus spesial kume. (Gén 18:6) Na nos ténpu, Jeová ta seta pa nu da-l kel midjór ‘sakrifisiu di lovor’ ki nu pode, ka ta nporta kal ki é nos situason. — He 13:15.
Modi ki sabe kel-li pode nkoraja-u si bu ka ta konsigi faze tudu kel ki bu ta fazeba antis, talvês pamodi bu saúdi sta fraku ô bu ka tene kel mésmu forsa ki bu tinha antis?