Dja bu pensa na prenxe un pitison pa Skóla pa Pregadoris di Reinu?

Bu tene entri 23 ti 65 anu di idadi i bu sta na sirvisu pa ténpu interu? Bu ten bon saúdi i bu ta pode djuda undi ki ten más nisisidadi? Si bu responde sin pa kes pergunta li, dja bu pensa na prenxe un pitison pa Skóla pa Pregadoris di Reinu? Désdi ki kel skóla li kumesa, milharis di kazal, irmons solteru i irmans soltera dja prenxe pitison. Má nu meste pa más irmons solteru prenxe pitison. Pidi Jeová pa djuda-u omenta bu dizeju di pô-l kontenti i di imita se Fidju. (Sal 40:8; Mt 20:28; He 10:7) Dipôs, pensa na ki mudansas ki bu pode faze na bu vida, sima bu trabadju i otus responsabilidadi pa bu sta kualifikadu.

Ki oportunidadis kes irmon ku irman ki kursa kel skóla li ten? Alguns diziginadu pa sirbi na lugaris undi ki pesoas ta pâpia otus língua ô pa partisipa na tistimunhu pa públiku na sidadis grandi. Otus, dipôs diziginadu pa faze vizitas na lugar di enkaregadu di grupu di kongregason, pa ser enkaregadu di grupu di kongregason ô pa ser misionáriu. Pensa na kuzê ki bu pode faze na trabadju pa Jeová i ser sima proféta Izaías, ki fla: ‘Ale-m li! Manda-m bai!’ — Is 6:8.

ODJA VÍDIU MISIONÁRIUS NA KANPU — TA TRABADJA NA KODJÉTA. DIPÔS RESPONDE KES PERGUNTA LI:

• 

  Modi ki misionárius na kanpu ta skodjedu?

• 

  Ki bon trabadju kes misionáriu na kanpu sta ta faze?

• 

  Kal ki é alguns di kes benson di ser misionáriu?