Mai ku pai, nhos inxina nhos fidjus kel ki es meste sabe

Nu sta vive na un mundu ki ta krê pa nu pensa ma kuzas dretu é mariadu i ma kuzas mariadu é dretu. (Is 5:20) Infilismenti alguns algen ta faze kuzas ki Jeová ta ôdia, sima konportamentu mariadu entri pesoas di mésmu séksu. Kolégas di skóla ô otus algen pode tenta konvense kes jóven ki ta sirbi Jeová pa sigi ses ideia. Modi ki nhos pode pripara nhos fidjus pa ten bons rezultadu na lida ku kes tipu di situason li?

Nhos inxina nhos fidjus leis di Jeová. (Le 18:3) Inxina-s kuzê ki Bíblia ta fla sobri séksu poku-poku i di akordu ku ses idadi. (De 6:7) Pergunta bu kabésa: ‘Dja N inxina nhas fidju ki tipu di karinhu es ka debe mostra ô seta, pamodi ki é inportanti es bisti dretu i pamodi ki otus algen meste ruspeta ses privasidadi? Nhas fidju sabe kuzê ki es ta faze si algen tenta mostra-s pornografia ô si algen pidi-s pa es faze algun kuza ki Jeová ta fla ma é mariadu?’ Pripara-s antis pode djuda-s ivita txeu prubléma. (Pr 27:12; Ec 7:12) Óras ki bu ta inxina bus fidju, bu sta mostra amor pa kel eransa ki Jeová da-u i ki ten txeu valor. — Sal 127:3.

ODJA VÍDIU FAZE UN KAZA KI TA DURA — PROTEJE BUS FIDJU DI ‘KUZA KI É KA DRETU’. DIPÔS RESPONDE KES PERGUNTA LI:

• 

  Pamodi ki alguns mai ku pai ten vergónha di inxina ses fidjus sobri séksu?

• 

  Pamodi ki mai ku pai meste trena ses fidjus ‘na disiplina i na instruson di Jeová’? — Ef 6:4

• 

  Kuzê ki organizason di Jeová dja faze pa djuda mai ku pai inxina ses fidjus sobri séksu? — w19.05, kuadru na pájina 12

• Pamodi ki bu debe pâpia sénpri ku bus fidju antis di kontise un prubléma?