Modi ki irmans pode faze más pa Jeová?

Irmans ten un papel txeu inportanti na óbra di Reinu. (Sal 68:11) Es ta faze txeu studu di Bíblia, i maioria di pionerus fíksu é irmans. Tanbê, milharis di irmans ta trabadja di tudu ses korason na traduson, na Betel i kómu misionárias. Irmans ki ten un amizadi fórti ku Jeová ta nkoraja ses família i kongregason. (Pr 14:1) Nbóra irmans ka pode ser ansions ô ajudantis di kongregason, es pode ten métas spritual. Si bo é un irman, kal ki é alguns manera ki bu pode faze más pa Jeová?

• Sforsa pa bu dizenvolve kes kualidadi ki Deus gosta. — 1Ti 3:11; 1Pe 3:3-6

• Djuda kes irman na kongregason ki ten ménus spiriénsa. — Tit 2:3-5

• Tenta midjora bu manera di prega i pasa más ténpu na pregason

• Prende un otu língua

• Sirbi na undi ten más nisisidadi

• Prenxe pitison pa trabadja na Betel ô djuda na linpa, na konpu, i na faze lugar pa adora Jeová

• Prenxe pitison pa kursa Skóla pa Pregadoris di Reinu

ODJA VÍDIU ‘MUDJERIS KI TA TRABADJA DURU NA SINHOR’. DIPÔS RESPONDE KEL PERGUNTA LI:

• Modi ki spiriénsa di kada un di kes irman nkoraja-u?