Kuzê ki nu pode prende ku Samuel

Samuel mante fiel pa Jeová duránti tudu se vida. Kantu el éra mininu, el ka dexa kes fidju di Eli, Ofni i Fineias, influensia-l ku ses mau izénplu. (1Sa 2:22-26) Samuel kontinua ta kria i Jeová kontinua ku el. (1Sa 3:19) Ti kantu el bira bédju, Samuel kontinua fiel pa Jeová, nbóra se fidjus ka faze kel-li. — 1Sa 8:1-5.

Kuzê ki nu pode prende ku izénplu di Samuel? Si bo é jóven, bu pode ten sertéza ma Jeová ta ntende kes prubléma ki bu ta pasa pa el, i el ta ntende modi ki bu ta xinti. El pode djuda-u ten koraji. (Isa 41:10, 13) Anhos ki é pai ku mai, si nhos ten un fidju ki bandona verdadi, nhos pode xinti konsoladu di sabe ma Samuel ka podia obriga se fidjus kontinua ta mante lial pa Jeová. Samuel dexa kel asuntu na mô di Jeová, i el sforsa pa kontinua lial i pa agrada se Pai na Séu, Jeová. Talvês nhos bon izénplu pode djuda nhos fidju volta pa Jeová.

ODJA VÍDIU PRENDE KU SES IZÉNPLU — SAMUEL. DIPÔS RESPONDE KES PERGUNTA LI:

• 

  Modi ki Samuel mostra koraji kantu el éra mininu?

• 

  Modi ki Dani mostra koraji?

• 

  Modi ki Samuel da un bon izénplu kantu el staba algen di idadi?

• 

  Modi ki pai ku mai di Dani da un bon izénplu?