Kazamentu é un union pa vida interu

Óras ki un ómi ku un mudjer ten un bon kazamentu, es ta da ónra pa Jeová i es ta ser filís. (Mr 10:9) Pa nu ten un kazamentu filís i ki ta dura, nu meste aplika kes prinsípiu di Bíblia óras ki nu ta skodje kenha ki nu krê kaza ku el.

Si bu sta pensa na namora, é midjór bu spéra ti ki pasa ‘flor di juventudi’, ki é un ténpu ki dizeju seksual ta sta más fórti, asi pa el ka pô-u ta toma disizons mariadu. (1Co 7:36) Pruveta kel ténpu ki bu sta solteru pa bira bu amizadi ku Jeová más fórti i pa dizenvolve kes kualidadi ki ta agrada Deus. Asi, bu ta sta más priparadu pa ten un kazamentu filís.

Antis di bu disidi kaza ku un algen, tra ténpu ki meste pa bu konxe ‘kel algen ki el é di pa déntu’. (1 Pe 3:4) Si bu kumesa ta ten txeu dúvida, pâpia sobri es ku kel algen ki bu sta ta namora. Sima ta kontise na otus tipu di relason, na kazamentu bu debe konsentra más na kuzê ki bu pode faze pa bu kunpanheru, di ki kuzê ki el pode faze pa bo. (Fil 2:3, 4) Si bu kontinua ta aplika kes prinsípiu di Bíblia na bu vida antis di kaza, ta ser más fásil bu faze kel-li na bu kazamentu. I kel-li ta djuda-u ten un kazamentu filís.

ODJA VÍDIU ANTIS DI KAZAMENTU — PÁRTI 3: ‘FAZE KÓNTA KANTU KI EL TA GASTA’. DIPÔS RESPONDE KES PERGUNTA LI:

• Modi ki namoru di kel irman ku Sandru staba ta bai?

• Kuzê ki kel irman da kónta kantu el pasa ta konxe-l midjór?

• Modi ki se pai ku se mai djuda-l i ki bon disizon ki el toma?