VIVE SIMA UN KRISTON
Jeová ta djuda-nu vense nos difikuldadis
Na es ténpu di fin, nu sta pasa pa txeu difikuldadi. Alvês, nu pode xinti ma nos difikuldadis é txeu dimás pa nu aguenta. Má, si nu kontinua ku un bon amizadi ku Jeová, el ta djuda-nu aguenta ti kes difikuldadi más difísil. (Is 43:2, 4) Modi ki nu pode kontinua ku un amizadi fórti ku Jeová óras ki nu ta pasa pa difikuldadis?
Orason. Óras ki nu abri nos korason pa Jeová, el ta da-nu pas i forsa ki nu meste pa nu aguenta. — Fil 4:6, 7; 1Te 5:17.
Runion. Más di ki nunka, nu meste di kumida spritual i di sta djuntu ku nos irmons na runion. (He 10:24, 25) Óras ki nu ta pripara pa sisti i partisipa na runions, nu ta pruveta di tudu kes ajuda ki spritu santu di Jeová ta da-nu. — Ap 2:29.
Pregason. Nu ta atxa más fásil konsentra na kes kuza puzitivu, si nu faze tudu kel ki nu pode pa nu kontinua okupadu na pregason. Tanbê amizadi ku Jeová i ku nos irmons ta bira más fórti. — 1Co 3:5-10.
ODJA VÍDIU JEOVÁ TA KUIDA DI BO. DIPÔS RESPONDE KES PERGUNTA LI:
Kuzê ki djuda Malu kontinua ku un amizadi fórti ku Jeová sikrê ku difikuldadis ki el pasa pa el?
Sima Malu, modi ki kes palavra ki sta na Salmo 34:18 pode konsola-nu óras ki nu ta pasa pa difikuldadis?
Modi ki spiriénsia di Malu ta mostra ma Jeová ta da-nu ‘puder alén di normal’ óras ki nu ta pasa pa difikuldadis? — 2Co 4:7