Bu sta uza kes gravason di Bíblia dretu?

Kuzê ki é gravason di Bíblia? É un gravason di Traduson di Mundu Novu revizadu. El sta lansadu poku-poku na txeu língua. Un di kes kuza inportanti na gravason di Bíblia é pamodi el ta uza un vós diferenti pa kada un di kes personájen di Bíblia. Óras ki es ta lé, es ta distaka kes palavra sértu i es ta mostra kes sentimentu sértu pa pasa kel mensaji di Bíblia di manera izatu.

Modi ki gravason di Bíblia sta ta djuda alguns algen? Txeu algen gosta di obi gravason di Bíblia sénpri, pamodi manera ki el é fetu ta poi Palavra di Deus ta ser rial pa es. Es ta xinti ma óras ki es ta obi un vós diferenti pa kada un di kes personájen di Bíblia, es ta konsigi odja kel stória midjór i intende dretu kuzê ki sta skrebedu na Bíblia. (Pr 4:5) Txeu di es da kónta ma obi gravason di Bíblia, ta djuda-s fika kalmu óras ki es sta txeu preokupadu. — Sal 94:19.

Obi Palavra di Deus ta ledu ku vós altu ta afeta nos vida txeu. (2Cr 34:19-21) Si gravason di Bíblia sta na un língua ki bu ta intende, bu pode faze un prugrama pa obi-l sénpri?

ODJA VÍDIU GRAVASON DI BÍBLIA — SÔ UN PÁRTI. DIPÔS RESPONDE KEL PERGUNTA LI:

Kuzê ki más ta dexa-u dimiradu na kes gravason di Bíblia?