Pâpia ku otus algen sobri kuzê ki bu studa

Studa pode inkoraja-nu, má nu pode resebe más inkorajamentu óras ki nu ta pâpia ku otus algen sobri jóias spritual ki nu ta atxa. Provérbios 11:25 ta fla: ‘Ken ki ta konsola otus tanbê ta ser konsoladu.’

Óras ki nu ta pâpia ku otus algen sobri kes kuza ki nu prende, nu ta intende midjór kes pontu ki nu studa i ta fika más fásil lenbra di es. Tanbê nu sabe ma pâpia sobri kes jóia pa otus algen ta da-nu alegria pamodi nu sabe ma kes informason pode ba djuda-s. — Atus 20:35.

Tenta faze kel-li: Na prósimu simana, djobe oportunidadi pa pâpia ku otus algen sobri kes kuza ki bu prende. Bu pode faze kel-li ku algen di bu família, un algen na bu kongregason, un koléga di trabadju, un koléga di skóla, un vizinhu ô kalker otu algen ki bu atxa na pregason. Tenta pâpia sobri kel informason na bus palavra, di manera sinplis i klaru.

Lenbra: Bu obijetivu di pâpia ku otus sobri kuzê ki bu prende é inkoraja-s, é ka dexa-s dimiradu ku bo. — 1 Kor. 8:1.