Uza kes referénsia di testus di Bíblia

Kes referénsia ki sta na Bíblia Traduson di Mundu Novu, na purtugês, ta mostra kes párti di Bíblia ki sta di akordu ku kunpanheru. El ten un lista di otus testu ki ta pâpia di mésmu asuntu i ki ta da más informason. Pa bu atxa un referénsia, primeru djobe un létra pikinoti ki ta parse dipôs di un palavra. Si bu sta ta uza Bíblia na papel, djobe kel mésmu létra na kel kuluna di meiu ô na ladu pa bu atxa kes testu ki ten aver ku el. Na jw.org ô na JW Library^®, klika na kel létra pikinoti pa bu odja kes referénsia.

Kes referénsia ki ten na Bíblia pode djuda-u atxa informasons diferenti sima:

Mésmu stória: Kel referénsia pode leba-u pa kel mésmu stória ki sta na un otu livru di Bíblia. Pur izénplu, djobe 2 Samuel 24:1 i 1 Krónikas 21:1.

Sitason: Kel referénsia ta mostra di undi ki un frazi ô un palavra ben. Pur izénplu, djobe Mateus 4:4 i Deuteronómiu 8:3.

Profesia i modi ki el kunpri: Kel referénsia ta liga un profesia ku manera ki el kunpri. Pur izénplu, djobe Mateus 21:5 i Zacarias 9:9.