Kuzê ki bu ta faze si bu ten ki fika déntu kaza?

Bu sta ta xinti bo sô, lonji di otus algen? Si bu sta xinti si, talvês bu ta xinti sima un ómi ki skrebe Bíblia ki fla: ‘Ami é sima un pasu ki sta el sô riba di kaza.’ (Salmo 102:7) Bíblia pode djuda-u lida ku prublémas ki ta parse óras ki bu ten ki fika déntu kaza.

• Bira bu amizadi ku Deus más fórti

• Lé pártis di Bíblia ki ta konsola-u

• Ntende pamodi ki kuzas ta kontise na mundu

• Ivita preokupason sen nisisidadi

• Bira bus amizadi más fórti

• Faze izersísiu

Bira bu amizadi ku Deus más fórti

Mésmu óras ki bu ta xinti bo sô, bu pode xinti kontenti si bu kuida di bu amizadi ku Deus. (Mateus 5:3, 6) Kes artigu li pode djuda-u faze kel-li:

• Un Bíblia na internet ki é izatu i fásil di lé

• Vídius pikinoti sobri alguns di kes kuza prinsipal ki Bíblia ta inxina

• “Respóstas pa perguntas di Bíblia” — ki ta responde alguns di kes pergunta ki txeu algen ta faze

• “Imita ses fé” — ki é alguns artigu ki ta konta stórias di ómis i mudjeris di Bíblia di un manera txeu interesanti

• “Tevi un algen ki faze-l?” — kes artigu li ta mostra modi ki kuzas na naturéza é bunitu i ben fetu

Lé pártis di Bíblia ki ta konsola-u

Kes testu di Bíblia li dja djuda txeu algen xinti konsoladu. Envês di bu lé txeu testu di un bês, pruveta di ténpu ki bu sta bo sô pa bu pensa na kada un di kes testu i pa faze orason. — Marcos 1:35.

• Salmo 23:1-6

• Salmo 34:1-22

• Salmo 46:1-11

• Salmo 63:6-8

• Salmo 91:1-6

• Mateus 6:25-34

• 2 Coríntios 1:3, 4

• Filipenses 4:6, 7

• 1 Pedro 5:6, 7

Ntende pamodi ki kuzas ta kontise na mundu

Bu ta konsigi lida midjór ku kalker situason difísil si bu sabe pamodi ki kuzas mariadu ta kontise i modi ki Deus ta ben kaba ku es. — Isaías 65:17.

• Pamodi ki Deus ta dexa maldadi ku sufrimentu kontise?

• Kuzê ki Bíblia ta fla sobri saúdi i duénsa?

• Ki ténpu ki Reinu di Deus ta ben governa Téra?

• Kenha ki é kes ómi montadu na kes kuatu kabalu di Apocalipse?

• Kuzê ki Reinu di Deus ta ben faze?

Ivita preokupason sen nisisidadi

Kes artigu ki sta dibaxu pode djuda-u lida ku preokupason ki bu pode ten pamodi bu sta bo sô i es pode djuda-u ‘para di preokupa dimás.’ — Mateus 6:25.

• Modi ki bu pode lida ku fadiga

• Mante un atitudi puzitivu

• Preokupason pamodi prigu

• Modi ki nhos pode uza dinheru dretu

• Preokupasons ki jóvens ta xinti

Bira bus amizadi más fórti

Bons amigu pode djuda-u pensa más dretu i xinti más kontenti. Es é inda más inportanti óras ki é difísil sta ku algen kara-kara. Si bu ka pode sai di kaza, talvês bu pode txoma ku vídiu ô sô ku vós pa bu mante kes amizadi ki dja bu tene ô pa faze novus amigu. Kes artigu ki sta dibaxu pode djuda-u atxa i ser un ‘amigu di verdadi’. — Provérbios 17:17.

• Kenha ki é un bon amigu?

• Bu debe ranja tipus diferenti di amigu?

• I si N sta ta xinti mi sô?

• Bu ta faze más amigu si bu gosta di da

• Bu ta faze más amigu si bu ta mostra gratidon

Faze izersísiu

Bíblia ta rekonhese ma ‘izersísiu fíziku ten algun vantaji.’ (1 Timóteo 4:8) El pode djuda-u ten bon saúdi na menti prinsipalmenti óras ki bu ten ki fika lonji di otus algen. Mésmu óras ki bu ka pode sai di kaza ten kuzas ki bu pode faze pa bu ka fika paradu:

• Faze izersísiu

• Kuida di bu saúdi i mante un atitudi pozitivu