Folhetu di studu pa runion Vida i pregason — 2025 | julhu

25 TI 31 DI AGOSTU

PROVÉRBIOS 28

Kántiku 150 i orason | Komentárius pa kumesa runion (1 min.)

TIZORUS DI PALAVRA DI DEUS

1. Diferénsa entri algen mau i algen justu

(10 min.)

Kes algen mau ten medu, má kes algen justu ten koraji. (Pr 28:1; w93-T 15/5 p. 26 par. 2)

Kes algen mau ta toma disizon mariadu, má kes algen justu ta konsigi toma bons disizon. (Pr 28:5; it-1-T p. 814)

Un algen justu ki é póbri ten más valor di ki un algen mau ki é riku. (Pr 28:6; it-1-T p. 1237)

Un irmon sta ta djobe pa riba ku kunfiansa timenti el sta ta faze orason déntu di kadia.

2. Jóias ki sta na Bíblia

(10 min.)

Pr 28:14 — Kuzê ki nu pode faze si nu ten un frakéza ki inda nu ka vense? (w24.07 p. 19 par. 19)

Bu respósta
Ki jóias bu atxa na leitura di Bíblia di kel simana li?

Bu respósta

3. Leitura di Bíblia

(4 min.) Pr 28:1-17 (th studu 10)

FAZE BU MIDJÓR NA PREGASON

4. Kumesa ta pâpia ku pesoas

(3 min.) KAZA EN KAZA. Pâpia ku kel algen sobri fin di géra i violénsia. (lmd lison 5, pontu 5)

5. Kumesa ta pâpia ku pesoas

(3 min.) KAZA EN KAZA. Pâpia ku kel algen sobri fin di géra i violénsia. (lmd lison 5, pontu 4)

6. Kumesa ta pâpia ku pesoas

(2 min.) TISTIMUNHU PÚBLIKU. Pâpia ku kel algen sobri fin di géra i violénsia. (lmd lison 1, pontu 4)

7. Kumesa ta pâpia ku pesoas

(3 min.) TISTIMUNHU INFORMAL. Pâpia ku kel algen sobri fin di géra i violénsia. (lmd lison 2, pontu 4)

VIVE SIMA UN KRISTON

Kántiku 112

8. Bu ta ôdia violénsia?

(6 min.) Diskursu i komentárius di ken ki sta sisti.

Un rapazinhu sta konsentradu ta djuga un jogu iletróniku.

Violénsia kumesa ku Satanás, ki Jizus txoma di “asasinu”. (Jn 8:44) Dipôs ki alguns anju rabela tanbê i es djunta ku Satanás, violénsia spadja di tal manera ki Jeová odja ma téra staba tudu stragadu. (Jén 6:11) Sima nu ta ba ta txiga más pértu di fin di es mundu mau di Satanás, pesoas sta kada bês más runhu i diskontroladu. — 2Ti 3:1, 3.

Lé Salmo 11:5. Dipôs faze kes pergunta li:

Kuzê ki Jeová ta atxa di kes algen ki ta ama violénsia, i pamodi?

Bu respósta
Modi ki alguns disportu i diverson ta mostra ma pesoas gosta di violénsia?

Bu respósta

Lé Provérbios 22:24, 25. Dipôs faze kes pergunta li:

Modi ki kes diverson ki nu ta skodje i kes algen ki nu ta kolega ku el pode muda kuzê ki nu ta atxa di violénsia?

Bu respósta
Modi ki kes diverson ki nu ta skodje pode mostra si nu ta ama violénsia ô nau?

Bu respósta

9. Kanpanha spesial na mês di setenbru

(9 min.)

Diskursu ki enkaregadu pa pregason ta faze. Pâpia di manera ki irmons ta fika ku gana di partisipa na kanpanha, i splika modi ki kongregason ta faze kanpanha.

Mostra VÍDIU Pas sen fin (Múzika di kongrésu di 2022).