Primeru livru di Krónikas

8 Benjamin tevi sinku fidju: primeru éra Bela, sugundu éra Asbel, tirseru éra Ará, 2 kuartu éra Noá i kintu éra Rafa. 3 Kes fidju di Bela éra Adar, Jera, Abiude, 4 Abizua, Naaman, Auá, 5 Jera, Sefufan i Uron. 6 Kes-li é kes fidju di Eúde, ki éra xéfi di grupu di ses família ki ta moraba na Jeba, i ki lebadu prézu pa Manate: 7 Naaman, Aías i Jera. Éra Jera ki staba ta orienta-s kantu es lebadu prézu. El éra pai di Uza i Aiude. 8 Sarain tevi ses fidju kantu el staba ta vive na tiritóriu* di Moabe, dipôs ki el tra kes moabita di la. El éra kazadu ku Uzin i Bara.* 9 I ku se mudjer Odes, el tevi Jobabe, Zibia, Meza, Malkan, 10 Jeus, Sakia i Mirma. Tudu es éra fidju di Sarain i es éra xéfi di grupu di ses família.

11 Ku se mudjer Uzin, Sarain tevi Abitube i Elpal. 12 Kes fidju di Elpal éra Éber, Mizan, Semede (ki faze Onu i Lode, i kes vila pértu di es), 13 Berias i Sema. Es éra xéfi di grupu di ses família ki ta moraba na Aijalon. Foi es ki kóre ku kes algen ki ta moraba na Gate. 14 Tanbê tinha Aiô, Sazaki, Jeremote, 15 Zebadias, Arade, Éder, 16 Mikael, Ispá i Joa. Es éra fidju di Berias; 17 Zebadias, Mezulon, Iskí, Éber, 18 Ismerai, Islias i Jobabe éra fidjus di Elpal; 19 Jakin, Zikri, Zabdi, 20 Elienai, Ziletai, Eliel, 21 Adaías, Beraías i Sinrate éra fidjus di Simei; 22 Ispan, Éber, Eliel, 23 Abdon, Zikri, Anan, 24 Ananias, Elan, Antotias, 25 Ifdeias i Penuel éra fidjus di Sazaki; 26 Sanzerai, Searias, Atalia 27 Jarezias, Elias i Zikri éra fidjus di Jeron. 28 Di akordu ku lista di família, kes ómi li éra xéfi di grupu di ses família. Tudu es ta moraba na Jiruzalen.

29 Jeiel, pai di Jibion, ta moraba na Jibion. Se mudjer txomaba Maká. 30 Se primeru fidju éra Abdon. Dipôs el tevi Zur, Kis, Baal, Nadabe, 31 Jedor, Aiô i Zeker. 32 Miklote éra pai di Simiá. I tudu es ta viveba pértu di ses irmon na Jiruzalen, djuntu ku kes otu irmon ki es tinha.

33 Ner éra pai di Kis; Kis éra pai di Saul; Saul éra pai di Jonatan, Malkizua, Abinadabe i Esbaal.* 34 Fidju di Jonatan éra Meribe-Baal.* Meribe-Baal éra pai di Mika. 35 Kes fidju di Mika éra Piton, Meleki, Tareia i Akás. 36 Akás éra pai di Jeoada; Jeoada éra pai di Alemete, Asmavete i di Zinri; Zinri éra pai di Moza; 37 Moza éra pai di Bineá; Bineá éra pai di Rafa; Rafa éra pai di Eliazá i Eliazá éra pai di Azel. 38 Azel tinha 6 fidju matxu: Asrikon, Bokeru, Ismael, Searias, Obadias i Anan. Tudu es éra fidju di Azel. 39 Ezeki, irmon di Azel, tevi três fidju: primeru éra Ulon, sugundu éra Jeús i tirseru éra Elifelete. 40 Kes fidju di Ulon éra trópas balenti i es éra bon na uza* arku.* Es tinha txeu fidju i nétu. Pa tudu es éra 150. Tudu es éra disendenti di Benjamin.