KÁNTIKU 150
Nhos buska salvason di Deus
(Sofonias 2:3 )
1. Govérnus di nasons
Ta kaba n’Armajedon
Pamodi kóntra Rei Jizus,
Es toma ses puzison.
Kel ténpu ki Deus da-s
Dja ka sta ta dura más.
Jizus ta kaba ku tudu es,
Se Reinu ta ben ganha-s.
(KORU)
Nhos buska Deus pa salva nhos,
Nhos obi sénpri ku se vós.
Nhos ten fé na el,
Nhos ser justu, fiel
I nhos mostra nhos puzison.
Kes k’é lial ta ben odja-L
Ta da-s salvason.
2. Gósi nu ten ki fla
Mensaji di Jeová,
Pa gentis toma disizon
I mostra ladu k’es sta.
Prublémas é dimás,
Má nu pode aguenta-s.
Nu ten Jeová pa djuda-nu ku‿es
Ti ki es ka‿izisti más.
(KORU)
Nhos buska Deus pa salva nhos,
Nhos obi sénpri ku se vós.
Nhos ten fé na el,
Nhos ser justu, fiel
I nhos mostra nhos puzison.
Kes k’é lial ta ben odja-L
Ta da-s salvason.
(Odja tanbê 1 Sam. 2:9; Sal. 2:2, 3, 9; Pro. 2:8; Mat. 6:33.)