Kal ki é obijetivu di vida?

Respósta di Bíblia

Txeu algen krê sabe kal ki é obijetivu di vida, pur isu es ta faze kes pergunta li: Pamodi ki nu sta li? Nha vida ten un obijetivu? Bíblia ta mostra ma obijetivu di nos vida é ser amigu di Deus. Odja alguns verdadi prinsipal ki Bíblia ta pâpia di el.

• Deus é nos Kriador. Bíblia ta fla: ‘É Deus ki faze-nu’. — Salmo 100:3; Apocalipse 4:11.

• Deus ten un obijetivu pa tudu kuza ki el faze, i kel-li ta inklui-nu tanbê. — Isaías 45:18.

• Deus faze-nu ku ‘nisisidadi spritual’ i é pamodi kel-li ki nu ten gana di atxa un obijetivu na vida. (Mateus 5:3) I Deus krê pa nu atxa-l. — Salmo 145:16.

• Nu ta satisfaze nos nisisidadi spritual óras ki nu ta dizenvolve un amizadi ku Deus. Alguns algen ta atxa ma é inposível ser amigu di Deus, má Bíblia ta insentiva-nu faze kel-li: ‘Nhos ser amigu di Deus i el ta ser nhos amigu.’ — Tiago 4:8; 2:23.

• Pa nu ser amigu di Deus, nu meste vive di akordu ku kel obijetivu ki el ten pa nos. Bíblia ta pâpia di kel obijetivu li na Eclesiastes 12:13. El ta fla: ‘Ten grandi ruspetu pa Deus i obi ku se mandamentus pamodi é pa kel-li ki nu kriadu.’ — Bíblia na Linguagem de Hoje.

• Na futuru, nu ta ben odja kel obijetivu ki Deus ten pa nos ta kunpri tudu, óras ki el ben kaba ku sufrimentu i el ben da vida pa tudu ténpu pa se amigus i pa kes ki ta adora-l. — Salmo 37:10, 11.