2. Pa nu ser linpu, ki ábitus nu debe ivita?

Bíblia ta fla-nu pa ‘nu linpa di tudu sujidadi di karni i di spritu’. (2 Coríntios 7:1) Kel-li krê fla ma nu ta sforsa pa ivita kalker kuza ki pode prujudika nos korpu ô nos menti. Nos pensamentus debe poi Jeová kontenti, pur isu nu ta faze nos midjór pa ivita pensamentus mariadu. (Salmo 104:34) Tanbê nu ta sforsa pa kes kuza ki nu ta fla ser linpu. — Lé Colossenses 3:8.

Kuzê más ki pode suja nos korpu i nos konportamentu? Ten alguns kuza ki pode prujudika nos korpu. Pur isu, nu ka debe fuma, txera tabaku, uza siré i nen uza dróga. Óras ki nu ta ivita kes kuza li, nu pode ten bon saúdi i nu ta mostra ma nu ta ruspeta vida. Tanbê nu ta sforsa pa ten konportamentu linpu, óras ki nu ta luta kóntra ábitus mariadu, sima masturbason i odja pornografia. (Salmo 119:37; Efésios 5:5) Pode ser difísil vense kes ábitu li, má Jeová pode djuda-nu. — Lé Isaías 41:13.

5. Luta kóntra pensamentus i ábitus mariadu

Lé Colossenses 3:5, i dipôs pâpia sobri kes pergunta li:

• Modi ki nu sabe ma pa Jeová pornografia, manda mensaji, fotus ô vídius sobri séksu, i masturbason é kuzas suju?

• Bu ta atxa ma Jeová ta iziji dimás óras ki el ta fla-nu pa nu ten un konportamentu linpu? Pamodi?

Odja modi ki bu pode luta kóntra pensamentus mariadu. Odja VÍDIU.

VÍDIU: Sforsa pa bu mante linpu (1:51)

Jizus uza un ilustrason pa mostra ma nu meste sforsa pa nu mante nos konportamentu linpu. Lé Mateus 5:29, 30, i dipôs pâpia sobri kel pergunta li:

• Nbóra Jizus ka sta flaba pa nu prujudika nos kabésa, el mostra ma nu ten ki aji. Kuzê ki un algen debe sta disididu na faze pa ivita pensamentus mariadu?b

Si bu sta ta luta pa vense pensamentus mariadu, Jeová ta da valor pa sforsu ki bu ta faze. Lé Salmo 103:13, 14, i dipôs pâpia sobri kel pergunta li:

• Si bu sta ta luta pa vense un vísiu, modi ki kel testu li pode da-u forsa pa bu ka dizisti?

Ka bu dizisti!

Talvês é fásil pensa asi: ‘Dja N torna kai. Pakê kontinua ta luta?’ Má pensa na kel-li: Si un algen na un korida tropesa i kai, kel-li ka krê fla ma dja el perde korida ô ma el ten ki kumesa kel korida otu bês. Di mésmu manera, óras ki bu kai, kel-li ka krê fla ma dja bu perde kel luta kóntra kel ábitu mariadu. I nen ka bu pensa ma tudu sforsu ki dja bu faze ka ten valor. Kai é un kuza normal, el ta faze párti di kel luta. Ka bu dizisti! Ku ajuda di Jeová, bu ta konsigi vense kel ábitu mariadu.