TIZORUS DI PALAVRA DI DEUS | JEREMIAS 51-52
Palavra di Jeová ta kunpri tintin pa tintin
Jeová ta fla tintin pa tintin kuzas ki sta pa ben kontise na futuru
Un guarda ki ta uzaba fléxa na palásiu di Pérsia
‘Nhos mola nhos flexas’
51:11, 28
Gentis di Média ku Pérsia éra bon na uzaba arku ku flexa i kel-la éra ses arma prinsipal. Es ta molaba ses flexa pa entraba más fundu na undi ki el panha.
‘Ómis di géra di Babilónia para di luta’
51:30
Na un pédra ki skrebedu kuzas sobri Nabonidu ta fla ma ‘trópas di Siru entra na Babilónia sen luta.’ Kel-li krê fla ma es ka géra. Tudu kel-la kontise sima profesia di Jeremias dja flaba.
Pédra ki skrebedu kuzas sobri Nabonidu
‘Babilónia ta ben fikaba un lugar montiadu di pédra i sen ningen’
51:37, 62
Na anu 539 A.J. glória di Babilónia kumesa ta kaba. Alexandri, kel Grandi, krê fazeba Babilónia se kapital, má di rapenti el móre. Na ténpu di apóstlus, ta izistiba un grupu di judeus la, pur isu apóstlu Pedru bai vizita Babilónia. Má na kuartu séklu D.J., sidadi dja staba distruídu i ku ténpu el dexa di izisti.