-
Kuzê ki é Reinu di Deus?Vive filís pa tudu ténpu! — Un livru pa studa Bíblia
-
-
7. Leis di Reinu di Deus é mutu más midjór di ki leis di ómi
Govérnus ta faze leis ki es ta atxa ma ta djuda i proteje ses povu. Reinu di Deus tanbê ten leis ki nu ten ki sigi. Lé 1 Coríntios 6:9-11, i dipôs pâpia sobri kes pergunta li:
Modi ki bu ta atxa ma mundu ta ben ser óras ki tudu algen sigi leis di Deus?a
Bu ta atxa ma Jeová ten direitu di spéra ma nu ta ruspeta leis di se Reinu? Pamodi?
Kuzê ki ta mostra ma kes algen ki ka sta obi ku kes lei li pode muda? — Odja versíklu 11.
Govérnus ta faze leis pa proteje i djuda ses povu. Reinu di Deus ten leis mutu más midjór ki ta proteje-nu i djuda-nu.
-
-
Kuzê ki Bíblia ta fla sobri séksu?Vive filís pa tudu ténpu! — Un livru pa studa Bíblia
-
-
LISON 41
Kuzê ki Bíblia ta fla sobri séksu?
Txeu algen ka ta xinti avontádi pa pâpia sobri séksu. Má, óras ki Bíblia ta pâpia sobri séksu, el ta faze-l di un manera klaru, má ku ruspetu. Kuzê ki el ta fla é bon pa nos. Kel-li ta faze sentidu dja ki Bíblia ben di Jeová, ki é nos Kriador. Pur isu, el sabe kuzê ki é midjór pa nos. El ta fla-nu kuzê ki nu debe faze pa pô-l kontenti i kuzê ki ta djuda-nu vive filís pa tudu ténpu.
1. Kuzê ki Jeová ta pensa sobri séksu?
Séksu é un prezenti di Jeová. El krê pa un ómi ku un mudjer ki sta kazadu xinti alegria ku kel prezenti li. Tanbê, séksu é un manera ki un kazal ta pode ten fidju i mostra ses amor i karinhu pa kunpanheru di un manera natural. É pur isu ki Palavra di Deus ta fla: ‘Fika kontenti ku mudjer di bu mosindadi’. (Provérbios 5:18, 19) Jeová krê pa maridu ku mudjer ki ta adora-l ser lial pa kunpanheru, asi pa nunka es ka faze adultériu. — Lé Hebreus 13:4.
2. Kuzê ki é konportamentu seksual mariadu?
Bíblia ta fla-nu ma ‘kes ki ta faze konportamentu seksual mariadu ka ta erda Reinu di Deus.’ (1 Coríntios 6:9, 10) Kes algen ki skrebe Bíblia na gregu uza palavra por·neiʹa pa pâpia sobri konportamentu seksual mariadu. Kel palavra la krê fla (1) relason seksual entri dôs algen ki é ka kazadu ku kunpanheru,a (2) séksu ómi ku ómi ô mudjer ku mudjer i (3) faze séksu ku un animal. Nu ta poi Jeová kontenti i nu ta djuda nos kabésa óras ki nu ta ‘ivita ten konportamentu seksual mariadu.’ — 1 Tessalonicenses 4:3.
SABE MÁS
Odja modi ki bu pode ivita konportamentu seksual mariadu i kuzê ki bu pode ganha si bu kontinua ku un konportamentu linpu.
3. Fuji di konportamentu seksual mariadu
Un sérvu di Deus fiel ki txomaba Juzé, sforsa pa mante un konportamentu linpu. Lé Génesis 39:1-12, i dipôs pâpia sobri kes pergunta li:
Kuzê ki poi Juzé ta fuji? — Odja versíklu 9.
Bu ta atxa ma Juzé toma un bon disizon? Pamodi?
Modi ki jóvens oji pode imita Juzé i fuji di konportamentu seksual mariadu? Odja VÍDIU.
Jeová krê pa nos tudu ivita konportamentu seksual mariadu. Lé 1 Coríntios 6:18, i dipôs pâpia sobri kes pergunta li:
Ki situasons pode poi un algen ta faze konportamentu seksual mariadu?
Modi ki bu pode fuji di konportamentu seksual mariadu?
4. Bu pode vense tentason
Pamodi ki pode ser difísil vense tentason di faze konportamentu seksual mariadu? Odja VÍDIU, i dipôs pâpia sobri kel pergunta li:
Na vídiu, kantu kel irmon da kónta ma kes kuza ki el staba ta pensa i ta faze pode poba el ta trai se mudjer, kuzê ki el faze?
Ti mésmu sérvus di Jeová alvês ta luta pa mante ses pensamentu linpu. Modi ki nu pode ivita fika ta pensa na séksu? Lé Filipenses 4:8, i dipôs pâpia sobri kes pergunta li:
Ki tipu di kuzas nu debe pensa na el?
Modi ki leitura di Bíblia i mante okupadu na sirvisu di Jeová pode djuda-nu vense un tentason?
5. Leis di Jeová é bon pa nos
Jeová sabe kuzê ki é midjór pa nos. El ta fla-nu modi ki nu pode mante un konportamentu linpu i kuzê ki nu ta ganha si nu faze kel-la. Lé Provérbios 7:7-27 ô odja VÍDIU, i dipôs pâpia sobri kes pergunta li:
Modi ki un jóven poi se kabésa na tentason? — Odja Provérbios 7:8, 9.
Sima sta na Provérbios 7:23, 26, konportamentu seksual mariadu pode traze prublémas gravi. Ki prublémas nu pode ivita si nu mante un konportamentu linpu?
Modi ki ten un konportamentu linpu pode djuda-nu vive filís pa tudu ténpu?
Alguns algen ta atxa ma kuzê ki Bíblia ta fla sobri séksu entri ómi ku ómi ô mudjer ku mudjer, ta mostra falta di amor. Má Jeová, ki é kel Deus di amor, krê pa tudu algen vive filís pa tudu ténpu. Pa kel-li nu meste vive di akordu ku se leis. Lé 1 Coríntios 6:9-11, i dipôs pâpia sobri kel pergunta li:
Pa Deus, kel dizeju di faze séksu entri ómi ku ómi ô mudjer ku mudjer é kel úniku dizeju mariadu?
Nos tudu nu meste faze mudansas pa agrada Deus. Má bale péna faze kes mudansa? Lé Salmo 19:8, 11, i dipôs pâpia sobri kes pergunta li:
Bu ta atxa ma leis di Jeová sobri konportamentu é duru dimás? Pamodi?
Jeová dja djuda txeu algen vive di akordu ku se leis. El pode djuda-u tanbê.
ALGUNS ALGEN TA FLA: “Basta dôs algen ta ama kunpanheru é normal es faze séksu.”
Kuzê ki bu ta flaba?
REZUMU
Séksu é un prezenti di Jeová pa un maridu ku se mudjer.
Perguntas di rezumu
Kuzê ki ta inklui konportamentu seksual mariadu?
Kuzê ki ta djuda-nu ivita konportamentu seksual mariadu?
Kuzê ki nu ta ganha si nu sigi leis di Jeová sobri konportamentu?
DJOBE MÁS
Prende pamodi ki pa Deus é inportanti pa un ómi ku un mudjer ki krê vive djuntu sta kazadu.
“Kuzê ki Bíblia ta fla sobri mora djuntu sen sta kazadu?” (Artigu na jw.org)
Bíblia ta fla ma séksu entri ómi ku ómi ô mudjer ku mudjer é mariadu. Má odja pamodi ki kel-li ka krê fla ma nu debe ôdia kes algen.
Prende pamodi ki leis di Deus sobri séksu ta proteje-nu.
Na spiriénsa “Es trata-m ku ruspetu”, odja kuzê ki poi un ómi ki éra omoseksual muda se manera di vive pa el pode agrada Deus.
“Bíblia ta muda vida di algen” (Sentinéla, 1 di abril di 2011)
a Kel-li ta inklui txeu manera di faze séksu, sima séksu pa bóka, pa pólpa i poi mô na órgon seksual di otu algen ki é ka bu maridu ô bu mudjer, pa el xinti vontadi di faze séksu.
-
-
Kuzê ki ta kontise si bu faze un pekadu gravi?Vive filís pa tudu ténpu! — Un livru pa studa Bíblia
-
-
Nbóra bu ta ama Jeová txeu i bu ta sforsa pa bu ka faze un kuza ki pode magua-l, alvês bu pode faze algun kuza mariadu. Má, alguns pekadu é más gravi di ki otus. (1 Coríntios 6:9, 10) Si bu faze un pekadu gravi, lenbra ma Jeová ka ta dexa di ama-u. El sta prontu pa purdua-u i pa djuda-u.
1. Kuzê ki nu debe faze pa Jeová purdua-nu?
Kes algen ki ta ama Jeová ta xinti rei di tristi óras ki es da kónta ma es faze un pekadu gravi. Má, Jeová ta konsola-s ku kel promésa li: ‘Sikrê nhos pekadu é sima skarlati, es ta biradu branku sima névi’. (Isaías 1:18) Si nu rapende di korason, Jeová ta purdua-nu. Modi ki nu ta mostra ma nu rapende? Nu ta xinti rei di tristi pamodi kel kuza mariadu ki nu faze. Pur isu, nu ta para di faze kel kuza i nu ta pidi Jeová pa purdua-nu. Dipôs, nu ta sforsa pa nu muda kel manera di pensa mariadu ô kes ábitu ki pô-nu ta faze kel pekadu. Tanbê nu ta tenta vive di akordu ku kes lei di Jeová. — Lé Isaías 55:6, 7.
2. Modi ki Jeová ta uza ansions pa djuda-nu óras ki nu faze un pekadu?
Si nu faze un pekadu gravi, Jeová ta fla-nu pa nu ‘txoma ansions di kongregason’. (Lé Tiago 5:14, 15.) Ansions ta ama Jeová i es ta ama kes algen ki ta sirbi-l. Es sta kualifikadu pa djuda-nu rekupera nos amizadi ku Jeová. — Gálatas 6:1.
Modi ki ansions ta djuda-nu si nu faze un pekadu gravi? Dôs ô três ansion ta uza testus di Bíblia pa djuda-nu odja ma kel kuza ki nu faze é mariadu. Tanbê, es ta da-nu alguns sujiston i konsedjus pa djuda-nu ka faze kel pekadu otu bês. Pa proteje kongregason di kes influensia mariadu, ansions ta tra di kongregason kalker algen ki faze un pekadu gravi i ki ka rapende.
SABE MÁS
Prende da más valor pa ajuda ki Jeová ta da-nu si nu faze un pekadu gravi.
3. Konfesa nos pekadu ta djuda-nu rekupera nos amizadi ku Jeová
Kalker pekadu ki nu ta faze ta mágua Jeová. Pur isu, nu debe fla-l kuzê ki nu faze. Lé Salmo 32:1-5, i dipôs pâpia sobri kel pergunta li:
Pamodi ki nu debe konfesa nos pekadu pa Jeová envês di tenta sukundi-s?
Tanbê, dipôs ki nu konfesa nos pekadu pa Jeová, nu ta xinti más midjór óras ki nu pidi ansions pa djuda-nu. Odja VÍDIU, i dipôs pâpia sobri kel pergunta li:
Na vídiu, modi ki ansions djuda Canon volta pa Jeová?
Nu ten ki ser klaru i onéstu ku ansions. Es sta la pa djuda-nu. Lé Tiago 5:16, i dipôs pâpia sobri kel pergunta li:
Pamodi ki é más fásil pa ansions djuda-nu óras ki nos é onéstu ku es?
Konfesa bus pekadu, ser onéstu ku ansions i seta ajuda di Jeová
4. Jeová ta mostra mizerikórdia pa kes algen ki peka
Si un algen faze un pekadu gravi i el disidi ka sigi leis di Jeová, el ta tradu di kongregason i nu ta para di konvive ku el. Lé 1 Koríntius 5:6, 11, i dipôs pâpia sobri kel pergunta li:
Sima fermentu ta fermenta masa di pon, modi ki konvive ku un algen ki peka i ki ka rapende ta influensia kongregason?
Ansions ta imita mizerikórdia ki Jeová ta mostra pa kes algen ki peka, óras ki es ta sforsa pa djuda kes algen ki tradu di kongregason. Txeu algen ki tradu di kongregason torna volta. Pamodi? Pamodi, enbóra kantu es tradu di kongregason es xinti kasábi, kel-la djuda-s odja ma kel kuza ki es faze éra mariadu. — Salmo 141:5.
• Pa manera ki Jeová ta lida ku kes algen ki peka, modi ki el ta mostra se amor, se mizerikórdia i ma el é ekilibradu?
5. Jeová ta purdua-nu óras ki nu rapende
Jizus uza un ilustrason ki ta djuda-nu ntende modi ki Jeová ta xinti óras ki un algen rapende. Lé Lucas 15:1-7, i dipôs pâpia sobri kel pergunta li:
Kuzê ki kel-li ta inxina-u sobri Jeová?
Lé Ezequiel 33:11, i dipôs pâpia sobri kel pergunta li:
Kuzê ki nu ten ki faze pa nu prova ma nu rapende?
Sima un pastor, Jeová ta preokupa txeu ku se ovelhas
ALGUNS ALGEN TA FLA: “N ten medu ma si N konta ansions kuzê ki N faze, es ta tra-m di kongregason.”
Kuzê ki bu ta flaba un algen ki ta pensa si?
REZUMU
Si nu faze un pekadu gravi, má nu rapende di korason i nu sta disididu na ka faze kel kuza mariadu más, Jeová ta purdua-nu.
Perguntas di rezumu
Pamodi ki é bon nu konfesa nos pekadu pa Jeová?
Kuzê ki nu ten ki faze pa nos pekadu purduadu?
Si nu faze un pekadu gravi, pamodi ki é inportanti djobe ajuda di ansions?
DJOBE MÁS
Odja modi ki un ómi xinti mizerikórdia di Jeová, sima sta na Isaías 1:18.
Modi ki ansion ta tenta djuda kes algen ki faze un pekadu gravi?
“Modi ki ansions pode mostra amor i mizerikórdia pa kes algen ki peka”” (Sentinéla, agostu di 2024)
Odja modi ki kes algen ki peka i ka rapende ta mostradu amor i mizerikórdia.
“Modi ki ansions pode djuda kes algen ki tradu di kongregason” (Sentinéla, agostu di 2024)
Na artigu “N xinti ma N mesteba volta pa Jeová”, odja pamodi ki un ómi ki disvia di verdadi xinti ma Jeová atrai-l otu bês.
“Bíblia ta muda vida di algen” (Sentinéla, 1 di abril di 2012)
-