• Kuzê ki Bíblia ta fla sobri vida di solteru i di kazadu?
    Vive filís pa tudu ténpu! — Un livru pa studa Bíblia

    • 5. Skodje dretu ken ki bu ta kaza ku el

      Skodje kel algen ki bu ta kaza ku el é un di kes disizon más inportanti ki bu pode toma. Lé Mateus 19:4-6, 9, i dipôs pâpia sobri kel pergunta li:

      • Pamodi ki un kriston debe pensa dretu antis di el kaza?

      Bíblia pode djuda-u sabe ki kualidadis bu debe djobe na un algen antis di bu kaza. Má, más inportanti inda, djobe un algen ki ta ama Jeová.b Lé 1 Coríntios 7:39 i 2 Coríntios 6:14. Dipôs pâpia sobri kes pergunta li:

      • Pamodi ki nu debe kaza sô ku un algen ki ta sirbi Jeová?

      • Kuzê ki bu ta atxa ma Jeová ta xinti si bu disidi kaza ku un algen ki ka ta ama-L?

      Un boi ku un buru sta ta sufri na un kanga.

      Si dôs animal diferenti podu na mésmu kanga, es ta sufri. Di mésmu manera, si un kriston kaza ku un algen ki ka ta sirbi Jeová, es ta ten txeu prubléma.