Nos priviléjiu di faze i konpo lugaris pa adora Jeová

Kusta txeu dinheru i txeu trabadju pa faze ténplu di Israel. Má simé, israelitas apoia es prujetu ku alegria. (1Cr 29:2-9; 2Cr 6:7, 8) Dipôs ki ténplu sta prontu, na manera ki es djuda na trabadju, ta daba pa odja kal ki éra kes israelita ki tinha amizadi ku Jeová i kes ki ka tinha. (2Rs 22:3-6; 2Cr 28:24; 29:3) Oji, kristons ta gasta txeu ténpu i es ta faze txeu sforsu pa faze, linpa i kuida di Salons di Reinu i Salons di Asenbleia. Simé, trabadja di es manera ku Jeová é un grandi priviléjiu i é un párti di nos adorason. — Sal 127:1; Re 7:15.

NU PODE PARTISIPA ÓRAS KI NU TA. . .

• 

  Djuda faze linpéza brévi na fin di kada runion. Si bu situason ka ta da, favor dexa lugar na  bu bera linpu.

• 

  Djuda na trabadju di linpéza i di konpo Salon di Reinu ki ta fazedu manenti. Txeu algen djuntu ta poi trabadju ta da más alegria i ménus kansera. — lv pp. 92-93 par. 18.

• 

  Djuda ku dinheru. Mésmu un kontribuison sô di ‘dôs muéda ki ten poku valor’ dadu di korason ta poi Jeová fika kontenti. — Mr 12:41-44.

• 

  Djuda faze i konpo kes lugar ki organizason ta uza. Bu pode oferese pa trabadja, si bu situason ta da. Bu ka meste ten spiriénsa na konstruson pa bu partisipa.