Di mês di setenbru pa dianti, Folhetu di studu pa runion Nos vida i nos trabadju di pregason, ta kumesa ta ten un novu manera di nu faze aprizentason, ku téma “Inxina verdadis di Bíblia”. Nos obijetivu é uza un pergunta i un testu pa mostra pesoas un verdadi prinsipal di Bíblia.

Si nu odja ma kel algen ten interesi, nu pode dexa-l un publikason ô mostra-l un vídiu di jw.org pa el pode fika ku algun kuza na menti pa nu pâpia na otu vizita. Nu debe volta poku dia dipôs pa nu kontínua konbérsu. Kel novu aprizentason i diziginasons na párti “Faze bu midjór na pregason”, ta ben ser ku bazi na kes rezumu ki ta fika na fin di kapítlu di livru Kuzê ki nu pode prende na Bíblia? La nu pode atxa otus pergunta i testus di Bíblia ki pode djuda-nu faze revizita ô un studu sô ku Bíblia.

Ten sô un kaminhu ki ta leba-nu pa vida. (Mt 7:13, 14) Dja ki nu ta pâpia ku pesoas di txeu relijion i formason, nu debe mostra-s verdadis di Bíblia ki ta interesa kada un di es. (1Ti 2:4) Sima nu ta ba ta pâpia di txeu asuntu di Bíblia i midjora nos manera di ‘uza palavra di verdadi’, nos alegria ta bira más txeu i nu ta ten bons rezultadu na inxina verdadis di Bíblia pa otus algen. – 2Ti 2:15.

Pesoas na mundu interu meste di konsolu. (Ec 4:1) Na mês di setenbru, nu ta ben faze un sforsu spesial pa oferese A Sentinela, ki ta ba ten un téma pa konsola pesoas. Oferese kel revista li pa tudu algen. Dja ki nu ta krê pâpia ku pesoas pa nu pode konsola-s, nu ka ta dexa kel revista li na kazas ki nu ka atxa ningen.

NU PODE FLA ASI

“Ten óras ki nos tudu nu ta meste konsolu. Má na undi ki nu ta atxa kel konsolu li? [Lé 2 Coríntios 1:3, 4.] Kel revista A Sentinela li ta mostra modi ki Deus ta da-nu kel konsolu li.”

Si kel algen mostra interesi i seta revista, . . .

MOSTRA-L KEL VÍDIU PAMODI KI NU DEBE STUDA BÍBLIA?

Dipôs oferese-l un studu di Bíblia.

DEXA UN ASUNTU PA PÂPIA NA REVIZITA

Un pergunta ki nu pode dexa pa responde na revizita é “Pamodi ki Deus ta dexa sufrimentu kontise?”