Kel ki Deus djunta

Lei di Muizes ta flaba ma si un ómi krê divorsiaba di se mudjer, el tinha ki fazeba un sertifikadu legal di divórsiu. Kel-li ta inpidiba es di divorsiaba faxi ô sen pensa dretu na ses disizon. Má na ténpu di Jizus, kes xéfi di relijion poi divórsiu bira un kuza faxi di faze. Ómis ta divorsiaba di ses mudjer pa kalker kuza. (Bíblia di studu, nótas na Mr 10:4, 11) Jizus fla ma é Jeová ki kria kazamentu. (Mr 10:2-12) Tanbê el fla ma maridu ku mudjer ta bira ‘sô un karni’ i es ka debe sipara nunka más. Di akordu ku Bíblia, na livru di Mateus, úniku motivu pa divórsiu é ‘konportamentu seksual mariadu’. — Mt 19:9.

Oji, txeu algen ka ta pensa sobri kazamentu sima Jizus, es ta pensa sima farizeus. Sô prublémas kontise, lógu es ta divôrsia. Má, maridu ku mudjer ki ta sirbi Jeová ta leba asériu promésa ki es faze na kazamentu i óras ki prublémas kontise es ta sforsa pa aplika konsedjus di Bíblia. Dipôs di odja vídiu Amor i ruspetu ta uni família, responde kes pergunta li:

• 

  Modi ki bu pode aplika konsedju di Provérbios 15:1 na bu kazamentu? I pamodi ki é inportanti?

• Modi ki aplika konsedju di Provérbios 19:11 ta djuda-u ivita prublémas?

• Si bu kazamentu ka sta da sértu, envês di pensa na divôrsia ki perguntas bu debe pensa na el?

• Modi ki aplika konsedju di Mateus 7:12 pode djuda-u ser un bon maridu ô un bon mudjer?