STUDU 1

Bon intruduson

Atos 17:22

REZUMU: Bu intruduson debe kria interesi, mostra kal ki é asuntu i djuda algen ntende pamodi ki kel asuntu é inportanti pa el.

Kria interesi. Skodje un pergunta, spiriénsa di vida, un notísia ô fla kalker kuza ki ta interesa algen.

Na priparason, pensa dretu na kuzê ki ta interesa i ki ta preokupa algen i pripara bu intruduson di akordu ku kel-la.
Mostra kal ki é asuntu. Ten sertéza ma bu intruduson ta dexa klaru pa algen kal ki é asuntu i obijetivu di bu aprizentason.
Mostra pamodi ki kel asuntu é inportanti. Pripara bu intruduson di akordu ku nisisidadi di pesoas. Es debe ntende klaru modi ki kel asuntu pode djuda-s na ses vida.

Timenti bu sta pripara un diskursu, pergunta bu kabésa: ‘Ki situasons irmons na nha kongregason sta pasa pa es?’ Dipôs faze bu intruduson di akordu ku ses nisisidadi.