STUDU 7

Uza próvas verdaderu i ki ta konvense otus

Lucas 1:3

REZUMU: Uza próvas di kunfiansa ki ta djuda algen txiga un konkluzon sértu.

Djobe i uza kes fonti di kunfiansa. Faze bus komentáriu ku bazi na Palavra di Deus, i sénpri ki da le-l diretamenti. Si bu sta pâpia di kuza ki ten aver ku siénsia, un notísia, un spiriénsa ô otu kuza, djobe antis si kel fonti é di kunfiansa ô si el sta atualizadu.
Uza kes fonti dretu. Splika testus di akordu ku ideia i mensaji di Bíblia interu i di akordu ku publikasons di ‘skravu fiel i prudenti’. (Mat. 24:45) Si bu krê uza otus fonti, uza informasons sima sta na es i di akordu ku intenson di kel algen ki skrebe.

Óras ki bu ta uza nunbru ô un informason konfirmadu ka bu izajera ô ka bu fla más di kel ki sta la. Toma kuidadu pa “alguns algen” ka bira “kuazi tudu algen”, “alguns bês” pa ka bira “sénpri” i “talvês ta kontise” pa ka bira “pode kontise”.
Rasusina ku bazi na próvas. Dipôs di lé un testu ô uza un informason di otu fonti, faze perguntas ku jetu ô konta un ilustrason pa pode djuda kes algen ki bu sta pâpia ku es txiga ses própi konkluzon.