Modi ki nu debe uza livru Kuzê ki nu pode prende na Bíblia?

Livru Prende na Bíblia i livru Bíblia Ensina é kuazi igual. Es é dôs livru ki ta djuda-nu inxina pesoas kes mésmu verdadi i es sta organizadu di mésmu manera. Má, livru Prende na Bíblia ta uza palavras más sinplis i é más dirétu. El fazedu pa kes algen ki pode xinti difikuldadi na ntende livru Bíblia Ensina. Envês di apéndisi, livru Prende na Bíblia ten un párti PRENDE MÁS ki ta da un splikason sinplis sobri alguns palavra i asuntu ki nu ta atxa na testu prinsipal. El ka ten perguntas na komésu di kapítlus ô un kuadru di rezumu na fin. Má, na fin di kapítlu el ten un rezumu di verdadis ki splikadu na parágrafus. Nu pode oferese livru Prende na Bíblia na kalker altura, sikrê el é ka oférta di mês, sima nu ta faze ku livru Bíblia Ensina. Óras ki nu ta faze studu modi ki nu pode uza rezumu na fin di kapítlu i kel párti PRENDE MÁS?

REZUMU: Kuazi tudu algen ta atxa ma nos manera di faze studu é fásil. Ta ledu parágrafu na livru Bíblia Ensina i dipôs ta fazedu pergunta. Má, si studanti ka konxe kel língua dretu ô el ka sabe lé dretu, bu pode uza livru Prende na Bíblia. Bu pode uza kes rezumu di kapítlu pa bu faze studu i dipôs bu ta insentiva studanti pa lé kes parágrafu di kel kapítlu, óras ki el sta el sô. Kada Verdadi di Bíblia pode studadu na uns 15 minutu. Dja ki kel párti REZUMU ka ta fla tudu kel ki sta na parágrafus, instrutor debe pripara dretu i pensa na kuzas ki studanti meste sabe. Si instrutor faze studu ku bazi na parágrafus, el pode uza kes verdadi na fin di kapítlu pa faze un rezumu.

PRENDE MÁS: Kes palavra i kes asuntu na párti PRENDE MÁS ta parse na mésmu órdi ki es ta sta na livru. Instrutor pode atxa ma é midjór analiza algun párti PRENDE MÁS na livru Prende na Bíblia, na óra di studu.