STUDU 17

Pâpia di manera ki algen ta ntende

1 Coríntios 14:9

REZUMU: Djuda algen ntende siginifikadu di matéria.

Studa bu matéria dretu. Ntende dretu kel matéria pa bu pode splika-l di manera sinplis i na bus palavra.
Uza frazis sinplis i kurtu. Nbóra frazis más kunpridu pode uzadu, uza frazis kurtu pa pâpia di kes pontu prinsipal.

Ka bu poi informasons ki ka ten nisisidadi, pamodi es pode konfundi ô fika dimás pa algen. Ka bu uza palavras difísil di ntende ô ki poku algen konxe.
Splika palavras ki algen pode ka konxe. Ka bu uza txeu palavra ki algen pode ka konxe. Si bu krê uza un palavra, un algen, un medida ô un kustumu di Bíblia ki pode ka konxedu, bu debe splika-l dretu di manera ki kes algen ta ntende.