STUDU 10

Mudansa di vós

Provérbios 8:4, 7

REZUMU: Muda volumi, ton di vós i rítimu pa pasa ideias más klaru i ku sentimentu.

Muda volumi. Omenta volumi pa distaka kes pontu prinsipal i pa motiva algen. Faze mésmu kuza óras ki bu sta lé mensajis di julgamentu na Bíblia. Dixi volumi pa poi algen ku gana di obi kuzê ki bu sta ben fla dipôs, ô pa pasa ideia di medu ô preokupason.

Ka bu omenta volumi txeu bês, pa kes algen ka xinti sima ki bu sta sanha na es. Ka bu izajera pa kes algen ka konsentra na bo.
Muda ton di vós. Si ta fika dretu na bu língua, omenta ton di vós pa mostra ma bu sta kontenti ô pa pâpia di tamanhu ô distánsia. Dixi ton di vós óras ki bu sta pâpia di kuzas tristi ô ki ta preokupa algen.
Muda rítimu. Pâpia más faxi óras ki bu sta pâpia di kuzas kontenti. Pâpia más divagar óras ki bu sta pâpia di pontus inportanti.

Pa bu ka spanta algen, ka bu muda rítimu di un óra pa kel otu. Pa palavras pode sai klaru, ka bu pâpia faxi dimás.