VIVE SIMA UN KRISTON

Três manera di mostra ma nu ta kunfia na Jeová

Davidi vense Gulias pamodi el kunfia na Jeová. (1Sa 17:45) Jeová krê uza se forsa pa djuda se sérvus. (2Cr 16:9) Modi ki nu pode kunfia na ajuda ki Jeová ta da-nu envês di kunfia na nos spiriénsa i na kapasidadis ki nu ten? Odja três kuza ki pode djuda-nu:

Faze orason sénpri. Faze orason ka sô pa pidi perdon óras ki bu faze un kuza mariadu, má tanbê pa pidi forsa óras ki bu sta pasa pa un tentason. (Mt 6:12, 13) Ora pa Jeová ka sô pa pidi se benson dipôs ki dja bu toma un disizon, má tanbê pa pidi se orientason i sabedoria antis di toma un disizon. — Tg 1:5
Kria ábitu di lé i studa Bíblia tudu dia. Lé Bíblia tudu dia. (Sal 1:2) Tra ténpu pa pensa sobri kes izénplu ki bu lé na Bíblia, i faze sima bu prende. (Tg 1:23-25) Envês di kunfia na bu própi spiriénsa, pripara sénpri pa pregason. Si bu tra ténpu antis pa pripara pa runions, bu ta tra más pruvetu.
Sigi kes orientason ki organizason di Jeová ta da. Sta sénpri atualizadu ku kes orientason ki organizason ta da, i sta prontu pa sigi-s. (Núm 9:17) Obi ku ansions óras ki es ta da-u konsedjus i orientasons. — He 13:17

Pulísias sta leba un irmon prézu timenti jornalistas ku otus irmon sta ta odja.

ODJA VÍDIU NU KA TEN MOTIVU PA XINTI MEDU DI PIRSIGISON. DIPÔS RESPONDE KES PERGUNTA LI:

• Kuzê ki poi irmons ku irmans ta xinti medu?

• Kuzê ki djuda-s lida ku ses medu?