Bu pode djuda bu família ten más alegria

Jeová krê pa famílias ser filís. (Sal 127:3-5; Ec 9:9; 11:9) Má pamodi kes prubléma di kel mundu li i kes fadja di nos família, nu pode perde alegria. Kuzê ki kada un di nos pode faze pa djuda nos família ser más filís?

Un maridu debe da se mudjer ónra. (1Pe 3:7) El ta pasa ténpu ku el. El ka ta iziji dimás di se mudjer, má el ta mostra gratidon pa tudu kel ki se mudjer ta faze pa el i pa ses família. (Col 3:15) El ta mostra ma el ta ama-l pa kuzas ki el ta fla i ki el ta faze, i el ta ilojia se mudjer. — Pr 31:28, 31.

Un mudjer debe apoia se maridu. (Pr 31:12) El ta obi ku se maridu i el ta kolabora ku el. (Col 3:18) El ta mostra bondadi óras ki el ta pâpia ku se maridu i óras ki el ta pâpia ku otus sobri el. — Pr 31:26.

Pai ku mai debe pasa ténpu ku ses fidjus. (De 6:6, 7) Es ta fla ses fidjus ma es ta ama-s. (Mt 3:17) Es ta disiplina-s ku amor i di manera ikilibradu. — Ef 6:4.

Fidjus debe onra ses pai ku ses mai i obi ku es. (Pr 23:22) Es ta fla ses pai ku ses mai kuzê ki es sta ta pensa i modi ki es sta ta xinti. Es ta seta kel disiplina ki ses pai ku ses mai ta da-s i es ta ruspeta-s. — Pr 19:20.

ODJA VÍDIU POI BU FAMÍLIA TA FIKA KONTENTI. DIPÔS RESPONDE KEL PERGUNTA LI:

Kuzê ki kada un di es faze pa ses família ten alegria?