Ken ki sta manda na mundu?

KUZÊ KI BÍBLIA TA FLA

‘Mundu interu sta na puder di Malvadu.’ — 1 João 5:19, Tradução do Novo Mundo.

‘Jizus ben pa kaba ku tudu kel ki Diabu faze.’ — 1 João 3:8.

DI KI MANERA KEL-LI TA DJUDA-U?

Bu ta. . .

ntende prublémas di mundu. — Apocalipse 12:12.

ten sertéza ma mundu ta ben ser un lugar midjór. — 1 João 2:17.

NU PODE KÚNFIA NA BÍBLIA?

Sin, pa três motivu:

• Govérnu di Satanás sta kuazi ta kaba. Jeová sta disididu na ben kaba ku Satanás i se govérnu. Tanbê El faze promésa di ben konpo kes disgrasa ki Diabu faze. — Hebreus 2:14.

• Deus da Jizus puder pa governa mundu. Jizus é diferenti di Satanás. El é un bon Rei i el ta pensa na nos tudu. Óras ki el ben governa, ‘el ta xinti péna di koitadu i di póbri. . . el ta libra se alma di abuzu i di violénsia.’ — Salmo 72:13, 14.

• Deus ka ta konta mintira. Nu ta lé na Bíblia: ‘É ka posível pa Deus konta mintira.’ (Hebreus 6:18 ) Jeová é un Deus di palavra — kel ki el promete, el ta kunpri. (Isaías 55:10, 11 ) Di sertéza, ‘governanti di es mundu ta ben botadu fóra.’ — João 12:31.