STUDU 2

Pâpia sima na un konbérsu normal

2 Coríntios 2:17

REZUMU: Pâpia di manera normal i di korason pa mostra kuzê ki bu ta xinti sobri kel asuntu i sobri kenha ki bu sta pâpia ku el.

Faze orason i pripara dretu. Faze orason pa Jeová djuda-u konsentra na kuzê ki bu sta ba fla envês di konsentra na bu kabésa. Grava kes ideia prinsipal ki bu sta ba inxina. Uza bus palavra envês di ripiti palavra pa palavra sima sta skrebedu.

Si bu sta ta pensa na lé un testu na Bíblia ô na otu publikason, konxe-l dretu pa bu pode lé sen tranka. Si kel párti ten palavras ki otu algen fla, le-s ku sentimentu má sen izajera.
Pâpia di korason. Pensa na pamodi ki pesoas meste obi bu mensaji. Konsentra na es. Nton, bu manera di sta, bus jéstu i bu róstu ta mostra ma bu sta pâpia di korason i ku amor.

Ka bu konfundi pâpia sima na un konbérsu normal ku pâpia sen ruspetu. Óras ki bu ta pâpia di manera klaru, faxi di ntende i bu ta sigi régras di gramátika bu ta mostra ruspetu pa mensaji ki bu ta inxina.
Djobe na róstu di kenha ki bu sta pâpia ku el: Si djobe algen na róstu é normal na lugar undi bu ta mora, nton faze kel-la. Óras ki bu ta faze diskursu, tenta djobe un algen di kada bês, envês di djobe pa tudu algen di un bês.