STUDU 16

Ser puzitivu i nkoraja

Jó 16:5

REZUMU: Ka bu konsentra na prublémas, má na soluson di prublémas i na kuzas ki ta nkoraja algen.

Poi algen odja kuzas di manera puzitivu. Rekonhise ma bus irmon krê agrada Jeová. Alvês bu ten ki da-s un konsedju, má sénpri ki ta da, ilojia-s di korason primeru.

Dexa amor motiva kuzê ki bu ta fla, envês di raiba. Da un sorizu pa djuda kes algen xinti ma bu ta ntende-s i ma es pode kúnfia na bo.
Ka bu konsentra na kuzas negativu. Sô bu debe pâpia di kuzas negativu di un asuntu si el ta djuda-u txiga na un bon obijetivu. Na bu aprizentason bu debe pâpia más di kuzas puzitivu.
Uza Palavra di Deus dretu. Mostra kes algen kes kuza ki Jeová dja faze, kes ki el sta ta faze gósi i kes ki el ta ben faze pa nos. Da-s speransa i koraji.