KÁNTIKU 136
Jeová ta da-u kel midjór rekonpénsa
(Rute 2:12 )
1. Jeová konxe dretu se sérvus fiel
I el é fiel ku‿es tanbê.
El sabe di kuzas k’es faze pa el
Pamodi kel zelu k’es ten.
Si bu dexa‿amigus, família pa tras,
Jeová t’abensua-u sén bês más
Ku‿un grandi família d’irmons i irmans
I vida n’un mundu di pas.
(KORU)
Ten sertéza, Deus ta rekonpensa-u.
Dibaxu di se azas el ta pô-u.
Deus nunka ka ta dexa-u bo sô.
El tene txeu benson guardadu pa bo.
2. Prublémas na vida alvês é dimás,
Más txeu ki nu ta pode ku‿es.
Ta parse ma nu ka ta pode‿aguenta-s
I nu ka ta pode vense-s.
Deus ta konsola-u si bu sta xinti si,
El fla: “Pâpia sénpri ku mi.”
El ta da-u se spritu‿i amigus tanbê
Pa bu ganha forsa i fé.
(KORU)
Ten sertéza, Deus ta rekonpensa-u.
Dibaxu di se azas el ta pô-u.
Deus nunka ka ta dexa-u bo sô.
El tene txeu benson guardadu pa bo.
(Odja tanbê Juí. 11:38-40; Isa. 41:10.)