Nu meste ten paxénxa

1. Dja dura‿algen ta mantxa

Kel nómi santu di Jeová.

Pur isu‿el tene gana

Di linpa kuzas k’es ta fla.

Má el ten txeu paxénxa,

I pamodi el é bon,

Ku‿amor el sta aguenta

Sen traze‿Armajedon.

Pamodi el krê salva

Un kalker tipu di algen,

Ka pode ser atoa,

Paxénxa ki Jeová Deus ten.

2. Paxénxa ta djuda-nu

Ka xâtia faxi ku algen.

I nu ta ser más mansu,

Pa nu agrada Deus tanbê.

Sikrê algen magua-nu,

Nu ka krê guarda-l rankor.

Paxénxa ta lenbra-nu

Ma el é pekador.

Jeová ta da se spritu

Pa nu konsigi imita-l,

Pa nu ser sima fidjus

Ki ten paxénxa‿i t’agrada-l.