KÁNTIKU 36
Nu proteje nos korason
Formatu di livru na papel
(Provérbios 4:23 )
1. Nu krê proteje korason
Di tudu kuza mau.
Jeová ta odja déntu nos,
Si nu sta dretu‿ô nau.
Nos korason ta pode trai
Algen i disvia-l.
Nton, nu dexa Deus gia-l
I nu ta ser lial.
2. Pa nu proteje korason
Ki pode pô-nu kai,
Kalker di nos preokupason,
Nu pâpia ku nos Pai.
Konsedjus ki Jeová ta da,
É sénpri kes midjór.
Ken ki obi-s di korason
Ta‿agrada Kriador.
3. Pa nu proteje korason,
Nu toma disizon
Di pensa sô na kuzas bon,
Na tudu situason.
Kel ki ten korason lial
N’adorason pa Deus,
Ta ser amigu di Jeová,
Algen ki el krê txeu.
(Odja tanbê Sal. 34:1; Fil. 4:8; 1 Ped. 3:4.)