Perguntas ki leitoris ta faze

Si un ómi ku un mudjer ki é ka kazadu durmi na mésmu kaza es sô, sen ten un bon motivu, kel-li é un pekadu ki meste formadu un kumison pa julga?

Sin. Si ka ten un bon motivu, ansions debe forma un kumison pa julga. Kel-li ta kontise pamodi tudu ta mostra ma es faze konportamentu seksual mariadu. — 1 Coríntios 6:18.

Grupu di ansions ta bai djobe kel situason ku kuidadu, pa es disidi si es meste forma un kumison pa julga. Pur izénplu: Kel ómi ku mudjer é namoradu? Dja es kustuma dadu konsedju sobri modi ki es ta konporta ku kunpanheru? Kuzê ki pô-s ta durmi es sô na mésmu kaza? Es staba konbinadu? Tinha otu lugar ki es pode durmiba, sen ser na mésmu kaza? Kontise algun kuza ki es ka sta speraba ô un imerjénsia ki obriga-s durmi na mésmu kaza? (Eclesiastes 9:11 ) Undi ki kada un di es durmi? Kada situason é diferenti, pur isu, pode ten otus informason ki ansions meste sabe.

Dipôs ki grupu di ansions djobe tudu kes informason, es ta disidi si meste forma un kumison pa julga.