Modi ki nu pode lenbra di testus di Bíblia

Alvês é difísil pa bu lenbra di un testu di Bíblia ki bu gosta ô di kuzê ki el ta fla? Pode ser un testu ki ta konsola-u, ki ta djuda-u ivita pensamentus mariadu ô ki bu ta krê mostra pa otus algen. (Sal. 119:11, 111) Odja alguns sujiston ki pode djuda-u lenbra di testus di Bíblia.

• Uza etikéta ki sta na aplikativu JW Library^®. Kria un etikéta ku nómi “Testus ki más N gosta” i marka kalker testu ki bu krê lenbra.

• Poi kel testu na un lugar ki bu ta odja. Skrebe kel testu ki bu krê lenbra na un papel i dexa kel papel na un lugar ki bu ta odja. Alguns algen ta kustuma poi kel testu na ses spédju i otus ta pô-s na pórta di ses jilera. Inda ten otus ki ta tra fotu di kel testu di Bíblia i es ta pô-l na ekran di ses konputador ô di ses telemóvel.

• Faze kartons ki ta djuda-u lenbra. Skrebe kel testu di Bíblia na un ladu i kuzê ki el ta fla na kel otu ladu. Dipôs djobe un ladu i tenta fla kuzê ki sta di kel otu ladu.