XCHAQʼALIL RU LI RAATIN LI YOS | 2 CORINTIOS 4-6
«Inkʼaʼ nachʼinank qachʼool»
Qakʼoxlaq wiibʼ li junkabʼal li wankebʼ saʼ jun li nimla ochoch, qʼeel ut yiibʼ aj chik ru. Jun rehebʼ inkʼaʼ chik naxnaw kʼaru tixbʼaanu, abʼan, usta chʼaʼaj xkʼoxlankil, li jun chik sa saʼ xchʼool. Kʼaʼut? Xbʼaan naq chi seebʼ tqʼaxonq saʼ jun akʼ ut chʼinaʼusil ochoch.
Usta «chixjunil li wank junsut junrubʼel choxa naʼayaynak chaq ut wank saʼ rahilal», laaʼo li naqaloqʼoni li Yos wank jun qoybʼenihom li nokooxtenqʼa chi xkuybʼal aʼin (Ro 8:22, SBG). Naqanaw naq li chʼaʼajkilal li naqakʼul anaqwan, joʼ ajwiʼ li xqakuy chiru naabʼal chihabʼ, «junpaat ajwiʼ ut moko aal ta riiqankil» naq naqajuntaqʼeeta rikʼin li osobʼtesihom li tqakʼul saʼ li akʼ ruuchichʼochʼ. Xkʼebʼal qachʼool chirix li osobʼtesihom li tixkʼam chaq li Xʼawabʼejilal li Yos tooxtenqʼa re naq sahaq saʼ qachʼool ut inkʼaʼ tqakanabʼ kʼanjelak chiru li Yos.