Li qakʼanjel re xtenqʼankil li wankebʼ saʼ rahilal

8:1-4; 9:7

Laaʼo joʼ aj paabʼanel wiibʼ ru li qakʼanjel: 1) «li kʼanjel re li kʼamok ibʼ saʼ usilal», malaj li kʼanjel re puktesink ut kʼutuk, ut 2) «kʼanjelak chirixebʼ laj santil paabʼanel», malaj li kʼanjel re tenqʼank, li naqabʼaanu re xtenqʼankilebʼ li qechpaabʼanel (2Co 5:18-20; 8:4, SBG). Joʼkan naq, xtenqʼankilebʼ laj paabʼanel li wankebʼ saʼ chʼaʼajkilal naʼok saʼ xyanq li kʼanjel li naqabʼaanu chiru li Yos ut naxkʼam chaq aʼin:

• Xkʼebʼal li naʼajmank rehebʼ li qechpaabʼanel (2Co 9:12a).

• Xtenqʼankilebʼ re naq teʼoq wiʼ chik chi kʼanjelak chiru li Yos, joʼ naq teʼtzʼaqonq chi anchalebʼ xchʼool saʼ li puktesink, aʼin jun li naʼlebʼ re xkʼutbʼesinkil naq nekeʼbʼanyoxink chiru li Jehobʼa (2Co 9:12b).

• Xkʼebʼal xloqʼal li Jehobʼa (2Co 9:13). Xtenqʼankilebʼ li nekeʼxkʼul junaq li rahilal, naxkʼe chi naweʼk li kʼanjel li naqabʼaanu joʼ ajwiʼ chiruhebʼ li inkʼaʼ sa nekeʼril ebʼ laj Testiiw re li Jehobʼa.