Miqakanabʼ kʼanjelak usta wank jun li kʼix saʼ li qajunxaqalil

Saʼ xkʼabʼaʼ naq wanko saʼ rosoʼjikebʼ li kutan, chiqajunilo joʼ aj kʼanjel chiru li Yos naqakʼul ajwiʼ li chʼaʼajkilal joʼ li kʼix (2Ti 3:1). Chanru tooruuq xkʼojobʼankil qachʼool rikʼin li Jehobʼa ut xkuybʼal li chʼaʼajkilal aʼin? Li bʼideo «Taatehonq xsaʼ ruhebʼ li mutzʼ» naxkʼut chanru kiruuk xkuybʼal li xTalita Alnashi ut li xnaʼ xyuwaʼ. Naq ak xaawil li bʼideo, taasume ebʼ li patzʼom aʼin:

• Kʼaru li kʼix malaj li «tiqʼlebʼ» wank saʼ xjunxaqalil li xTalita?

• Kʼaru li xyeechiʼom li Santil Hu kitenqʼank re li xTalita ut li xnaʼ xyuwaʼ re naq inkʼaʼ teʼchʼinaaq xchʼool?

• Naq ak keʼxchoʼ li xTalita, chanru keʼxkʼutbʼesi li xnaʼ xyuwaʼ naq keʼxkʼojobʼ xchʼool rikʼin li Jehobʼa?

• Chanru keʼroksi li xnaʼ xyuwaʼ li xTalita li naxkʼe li xmolam li Yos re xtenqʼankil li xkoʼ chi xraabʼal li Jehobʼa?

• Chanru naxkʼutbʼesi li xTalita naq yook chi kʼiik li xrahom chirix li Jehobʼa usta wank «jun li tiqʼlebʼ» saʼ li xjunxaqalil?

• Chanru naxwaklesi aachʼool li xTalita?