Kʼaru naqatzol saʼ li Xchaqʼrabʼ laj Moisés chirix li saqlep?

13:4, 5, 45, 46, 52, 57

Chanru nokooxtenqʼa li chaqʼrabʼ li kikʼemank chirix li saqlep re naq us wanqo saʼ li qapaabʼal?

• Li Jehobʼa kixkʼut chiruhebʼ laj tij chanru xnawbʼal saʼ junpaat ani saqlep rix. Saʼebʼ li qakutan, ebʼ li cheekel winq saʼ junpaat nekeʼxtenqʼa li inkʼaʼ us wankebʼ saʼ li xpaabʼal (Snt 5:14, 15).

• Ebʼ laj Israel tento teʼxsach yalaq kʼaru bʼarwiʼ xkʼe ribʼ li yajel re naq inkʼaʼ tixjekʼi ribʼ. Ebʼ laj paabʼanel tento ajwiʼ teʼxtzʼeqtaana yalaq kʼaru li truuq xkʼebʼalebʼ chi maakobʼk usta oxloqʼ chiruhebʼ (Mt 18:8, 9). Saʼ xyanq aʼin wank tana li kʼaynaqebʼ xbʼaanunkil, li nekeʼrochbʼenihebʼ malaj li ajsibʼaal u.

Chanru tooruuq xkʼutbʼesinkil naq naqaj naq li Jehobʼa tooxtenqʼa?