Li tenqʼ choʼq rehebʼ li nekeʼrahobʼtesiik saʼ li xjunkabʼal

Li nimla molam chirix li kawilal (OMS) naxjuntaqʼeeta rikʼin jun li nimla yajel naq nekeʼrahobʼtesiik ebʼ li ixq. Nayeemank naq wiibʼ oxibʼ li ixq nekeʼrahobʼtesiik xbʼaanebʼ li xbʼeelom. Li Organización de las Naciones Unidas (ONU) naxye ajwiʼ naq rajlal kutan, kachʼin chik ma 137 nekeʼkamsiik xbʼaanebʼ li xbʼeelom malaj ebʼ li xkomon.a

Aʼin naxkʼut naq aʼan jun nimla chʼaʼajkilal, abʼan inkʼaʼ nekeʼxye kʼaru li chʼaʼajkilal nekeʼxnumsi li nekeʼrahobʼtesiik.

Ma nakaanaw ru anihaq yook xkʼulbʼal li chʼaʼajkilal aʼin malaj laaʼat jun rehebʼ? Wi joʼkan, li naʼlebʼ aʼin truuq aatenqʼankil.

Moko laaʼat ta wank aawe

Sikʼ aatenqʼ

Moko aajunes ta

Maakʼaʼaq chik li chʼaʼajkilal saʼ li junkabʼal

Xtenqʼankil li kirahobʼtesiik

Moko laaʼat ta wank aawe

Li naxye li Santil Hu: «Li Yos traqoq aatin saʼ xbʼeen li junjunq aʼ yaal chanru xbʼaanuhom» (Romanos 14:12).

Jultika: Li kristiʼaan li narahobʼtesink tixtoj rix li xmaak.

Wi laasumʼaatin nakatxqʼabʼa rikʼin li naxbʼaanu moko us ta yook chi naʼlebʼak. Chixjunilebʼ li ixq tento teʼraheʼq (Colosenses 3:19).

Wank sut li narahobʼtesink moko chaabʼil ta nanaʼlebʼak, maare xbʼaan li xkʼiijik malaj xbʼaan li kalaak. Abʼan tento wanq saʼ xchʼool naq li Yos naril li naxbʼaanu aawe, joʼkan naq aʼan tento tixjal li xnaʼlebʼ.

Sikʼ aatenqʼ

Li naxye li Santil Hu: «Us naʼelk li kʼaru kʼuubʼkʼu xbʼaan naabʼalebʼ aj kʼehol naʼlebʼ» (Proverbios 15:22, Li Santil Hu, Sociedad Bíblica de Guatemala, SBG).

Jultika: Wi nakaawekʼa naq wankat saʼ xiwxiwal, sikʼ aatenqʼ.

Kʼaʼut naʼajmank chaawu li tenqʼ? Xbʼaan naq maare yookat xkʼulbʼal li rahilal ut naxkʼe aakʼaʼuxl naq inkʼaʼ nakaanaw kʼaru xbʼaanunkil xbʼaan naq inkʼaʼ nakaanaw bʼar wank re li naʼlebʼ aʼin qʼaxal wank xwankil:

• Naq us wanqat

• Naq us wanqebʼ laawalal aakʼajol

• Li tumin

• Naq nakaara laasumʼaatin

• Naq nakaawaj xkolbʼal rix laasumlajik

Ak re naq inkʼaʼ nakaanaw kʼaru xbʼaanunkil ut nakaawekʼa naq qʼaxal chʼaʼaj laawanjik. Bʼar taataw aatenqʼ?

Jun laawamiiw malaj laakomon naru nakatxtenqʼa rikʼin li yookat xnumsinkil.

Wank ebʼ li ajl bʼarwiʼ tatruuq chi bʼoqok ut tateʼxtenqʼa. Ebʼ laj kʼanjel aran, kawresinbʼilebʼ re naq tateʼxtenqʼa chi rilbʼal kʼaru taabʼaanu ut chanru taakol aawibʼ. Wi laasumʼaatin naraj xtenqʼ ut naraj xjalbʼal xnaʼlebʼ, ebʼ li ajl aʼin naru naxtenqʼa.

Wank jalan chik ebʼ li molam li naru nakateʼxtenqʼa saʼ junpaat. Saʼ xyanqebʼ aʼin wankebʼ laj bʼanonel ut jalan chik li kristiʼaan li kawresinbʼilebʼ re aatenqʼankil.

Moko aajunes ta

Li naxye li Santil Hu: «Nachʼ wank li Qaawaʼ rikʼinebʼ li nekeʼmaynak xchʼool: aʼan naxkolebʼ li maak’a’ chik roybʼenihomebʼ» (Salmo 34:19, SBG).

Jultika: Li Yos naraj aatenqʼankil.

Naxkʼe xchʼool chaawix (1 Pedro 5:7). Naxnaw li yookat xnumsinkil ut naraj xkʼojobʼankil aachʼool rikʼin li Santil Hu. Naraj ajwiʼ naq tattijoq chiru re xtzʼaamankil aatenqʼ re naq tatruuq xnumsinkil li chʼaʼajkilal (Isaías 41:10).

Maakʼaʼaq chik li chʼaʼajkilal saʼ li junkabʼal

Li naxye li Santil Hu: «Talajeʼkʼojlaaq chi xjunqaleb’ rubʼel xtoonal li uubʼ ut rubʼel li xcheʼil li iig ut maaʼani chik tsebʼesinq rehebʼ» (Miqueas 4:4, Li Santil Hu, Wycliffe Bible Translators. Akʼ tzʼiibʼ).

Jultika: Li Santil Hu naxye naq chi seebʼ twanq li tuqtuukilal saʼebʼ li junkabʼal.

Kaʼajwiʼ li Jehobʼab truuq xtuqubʼankil ru ebʼ li chʼaʼajkilal aʼin, xbʼaan naq saʼ Apocalipsis 21:4 naxye: «Tixmes li xyaʼalebʼ ru, maakʼaʼaq chik li kamk chi moko li rahil chʼoolej chi moko li yaabʼak chi moko li rahilal». Maaʼani chik tixjultika li rahilal li kixnumsi (Isaías 65:17). Aʼin li yuʼam li naxyeechiʼi aawe li Yos.