Eb’ li nimla ch’a’ajkilal li nak’ulmank sa’ li qasutam | K’aru tixb’aanu li X’awab’ejilal li Yos?

«Li nimla ch’a’ajkilal li nak’ulmank naq q’axal wank li tiq malaj li ke yook xtawasinkil eb’ li poyanam, eb’ li tenamit ut chixjunil li qasutam. Sa’ xk’ab’a’ a’in neke’chalk eb’ li xninqal ru kaqsut-iq’ li neke’xjuk’ eb’ li ochoch ut chixjunil li wank reheb’ li poyanam. Li palaw yook chi tiqwo’k, jo’kan naq naru neke’kamk naab’aleb’ li xul li wankeb’ aran» (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 re julio 2023).

Ma te’ruuq eb’ li awab’ej k’anjelak sa’ komonil re naq te’xtuqub’ ru li ch’a’ajkilal a’in? Ma te’xnaw chanru xtuqub’ankil ru chi junajwa?

Li Santil Hu na’aatinak chirix jun li awab’ejilal li naru ut tixtuqub’ ru chixjunil li ch’a’ajkilal li nak’ulmank sa’ li qasutam. Naxye naq «li xYos li choxa tixwaklesi chaq jun awab’ejihom» ut a’an tixb’eresi chixjunil li nak’ulmank sa’ li Ruuchich’och’ (Daniel 2:44, Li Santil Hu, Sociedad Bíblica de Guatemala, SBG). Rub’el li awab’ejilal a’in, «maajun taab’aanunq maa’usilal malaj taarahob’tesinq ras riitz’in» chi moko tixpo’ li Ruuchich’och’ (Isaías 11:9, SBG).