Li xyib’al ru xna’leb’ eb’ li awab’ej | K’aru tixb’aanu li X’awab’ejilal li Yos?

Eb’ li kristi’aan neke’raj naq eb’ li neke’awab’ejink chaab’ilaqeb’ raj xna’leb’ ut paab’ajelaq raj raatin xb’aan naq xe’titz’k chi rab’inkil naq neke’tik’ti’ik ut neke’elq’ak. Sa’ li chihab’ 2023 ki’elk jun li esil b’arwi’ eb’ li kristi’aan sa’ chixjunil li Ruuchich’och’, ke’xye naq moko neke’xpaab’ ta chik li neke’xye eb’ li neke’awab’ejink.a

Li Santil Hu na’aatinak chirix jun li awab’ejilal b’arwi’ li Najolomink re paab’ajel, chaab’il nana’leb’ak ut maajunwa tmaa’uso’q. Yook chi aatinak chirix li X’awab’ejilal li Yos ut li Awab’ej a’an li Jesukriist (Isaías 9:7).

Li Jesús ak kixk’utb’esi naq junelik naxk’e xch’ool chirixeb’ li kristi’aan (Mateo 9:35, 36). Chi seeb’ tixk’am chaq li tiikilal ut li tuqtuukilal cho’q reheb’ li te’xk’ulub’a jo’ li Awab’ej sa’ li X’awab’ejilal li Yos (Salmo 72:12-14).