Chanru tqataw qoyb’enihom sa’ li 2024 | K’aru naxye li Santil Hu?

Li chihab’ 2024 tixk’am chaq naab’al li cha’ajkilal ut naab’aleb’ neke’xk’oxla naq moko ttuqlaaq ta ru. Ab’an wank qoyb’enihom, b’ar tooruuq xtawb’al?

Li Santil Hu naxk’e qoyb’enihom

Li Santil Hu naxye naq li Yos tixtuqub’ ru chixjunil li ch’a’ajkilal li naxmaq’ qoyb’enihom ut naxch’olob’ li tixb’aanu chi seeb’ cho’q reheb’ li poyanam: «Ut tixmes li xya’aleb’ ru, maak’a’q chik li kamk chi moko li rahil ch’oolej chi moko li yaab’ak chi moko li rahilal» (Apocalipsis 21:4).

• Wi taawaj xnawb’al xkomon aana’leb’ chirix li naxyeechi’i li Santil Hu, chaawil li tzolom «Li chaqʼal ru yeechiʼom choʼq re li kutan chalk re».

Chanru tatxtenq’a li Santil hu sa’eb’ li qakutan

Li naxyeechi’i li Santil Hu naru tatxtenq’a chi xq’axb’al li naxk’e xrahil aach’ool (Romanos 15:13). Jokan ajwi’ sa’ li Santil Hu wank li na’leb’ li tatxtenq’a chi xkuyb’al li ch’a’akilal li yookat xnumsinkil jo’ li neb’a’il, li maa’usilal malaj li yajel.

• K’e reetal chanru li oyb’enihom li naxk’e li Santil Hu kixtenq’a jun li winq re naq tuqtuuq ut sahaq xch’ool usta kik’iik sa’ jun li junkab’al li neb’a’. Chaawil li b’ideo Juan Pablo Zermeño: Li Jehob’a kixchaab’ilob’resi linyu’am.

• K’e reetal chanru tatxtenq’a li Santil Hu re xq’axb’al ru li nakaawek’a naq nakamk junaq laakomon, li rahil ch’oolejil malaj naq nanumtaak laak’a’uxl. Chaawil li tzolom «Ma truuq li Santil Hu xk’ojob’ankil linch’ool?».

• Chaawil chanru jun li ixq li kik’anjelak jo’ aj puub’, kixye naq junxil a’an ch’iich’i re ut maak’a naraj re eb’ li junch’ol, ab’an kixtaw royb’enihom sa’ li Santil Hu. Chaawil li b’ideo «Li Santil Hu x’ok cho’q reqaj linpuub’».

Ma twulaq raj chaawu naq laa’at ut laajunkab’al us tex’elq sa’ li chihab’ 2024? Li Santil Hu naru tatxtenq’a. Kub’ laatzolb’al chirix li Santil Hu rik’ineb’ laj testiw re li Jehob’a chi maatan ut k’e reetal chanru naq li Yos traj naq tatwanq sa’ tuqtuukilal ut tixk’e xsahil aach’ool chi junelik (Jeremías 29:11).